Kichay leenaykipaq

Jehová Diospa testigonkuna

Simita akllay quechua (Cusco)

¿Imaraykun Jehová Diospa testigonkuna runakunaman visitanku juj religionmantaña kanku chaypas?

Yaqa llapa religionniyoq runakunan sumaqta Bibliamanta rimanku. Ichaqa manan noqaykuqa pitapas obligaykuchu noqayku jina imatapas piensananpaq, respetaykun imapi creenankupaqpas libre kasqankuta.

Ichaqa tukuy atisqaykutan kallpachakuyku piwanpas rimaspaqa Bibliaq kamachisqanman jina “llamp’u sonqowan ancha respetowan ima” rimanaykupaq (1 Pedro 3:15). Chaymantapas noqaykuqa yachaykun mana lliuchu uyariwanankuta (Mateo 10:14). Ichaqa, ¿imaynapin yachaykuman runakuna imaynatachus chaskiwanqaku chayta mana paykunawan rimashaqtiyku? Chaymantapas kay vidapiqa tukuy imapas cambiashallanmi.

Wakinpaqqa manapaschá visitasqayku p’unchay tiemponku karunchu paykunawan parlarinaykupaq, juj p’unchaykunaqa kanqapaschá. Wakinqa chayraqpaschá vidankupi imapas pasasqanwan Bibliaq yanapayninta maskhashankuman. Chaykunaraykun noqaykuqa visitashallayku runakunataqa.