Manan. Jehová Diospa testigonkunaqa manan pagaykuchu ni ima diezmotapas. Tukuy imatapas ruwayku sapankaq sonqoykuman jina churasqaykuwanmi. Ichaqa, ¿imaraykutaq Jehová Diosri kamachikuran diezmota churanankupaq? ¿Imaraykun Testigokuna mana chayta ruwankuchu?

Ñaupa Israel llaqtatan Diosqa kamachisqa diezmota otaq nisunman imapas kaqninkumanta chunka kaq parteta churanankupaq, chaytaqa sacerdotekunamanmi qonanku karan. Cristianokunan ichaqa manaña ruwanankuchu chayta, Bibliaq nisqanman jinaqa manañan junt’anankuchu chay kamachikuyta (Hebreos 7:5, 18; Colosenses 2:13, 14).

Chaymi noqaykuqa ima diezmotapas otaq ofrendatapas churashanaykumantaqa ñaupa cristianokuna jina ruwayku: mana obligasqalla tukuy sonqowan contribucionta churayku, chaymantapas sapankayku mana imata cobraspalla Diosmanta yachachiyku.

Chayqa Bibliaq nisqanman jinan kashan, 2 Corintios 9:7 texton nin: “Chayrayku, sapanka imaynatachus sonqonpi yuyaykusqanman jina qochun, ama mala voluntadwanchu nitaq obligasqa jinapaschu, Diosqa kusisqa qoqtan munakun”, nispa.