Kichay leenaykipaq

Jehová Diospa testigonkuna

Simita akllay quechua (Cusco)

¿Protestantechu kanku Testigokuna?

Manan. Jehová Diospa testigonkuna cristianokunaña kayku chaypas manan protestantechu kayku.

Ichaqa, ¿pikunatan nikun “protestante” nispa? Chaytaqa nikun pikunachus catolicoq costumbrenkunata mana creenkuchu chaykunatan. Noqaykupas manaña catolicokunaq imakunachus yachachisqanwan acuerdopichu kashayku chaypas manan protestantechu kayku, ¿imarayku? Chaypaq yachasun iskay razonkunata:

  1. Protestantepaq creekuqkunaqa manan Bibliaq nisqanman jinachu imatapas yachachinku. Paykunaqa creenkun “Santísima trinidad” nisqapi, Biblian ichaqa nin: “Ch’ullallan Diosqa”, nispa (1 Timoteo 2:5; Juan 14:28). Chaymantapas paykunaq yachachisqankuman jinaqa nina rauraypis runakunata Diosqa wiñaypaq castiganqa, ichaqa manan chaytachu Bibliaqa yachachin, aswanmi millay runakunaqa wiñaypaq wañuchisqa kanqaku (Salmo 37:9; 2 Tesalonicenses 1:9).

  2. Noqaykuqa manan religión catolicatachu ni ima religiontachu allichayta munayku. Aswanmi noqaykuqa munayku Diospa gobiernonmanta allin willakuykuna willayta, chhaynapi runakuna chay allin willakuykunapi creenankupaq (Mateo 24:14; 28:19, 20). Nimusqayku jina, manan ima religiontachu allichayta munayku, noqaykuqa munayku Diosmanta palabranmantawan munaq runakunaman yachachiytan (Colosenses 1:9, 10; 2 Timoteo 2:24, 25).