Kichay leenaykipaq

¿Imaraykun Testigokuna jamuwashallanku “manan munanichu” nishaqtiypas?

Noqaykuqa llapa runapas Bibliamanta yachanankutan munayku. ¿Imarayku? Diostapas paykunatapas munakusqaykurayku (Mateo 22:37-39). Chaymi: “Manan munanichu”, niwashaqtinkupas visitashallayku. Chaymantapas Diosta munakusqaykuraykun Jesuspa kamachisqantapas kasukuyku, paypa nisqan jina llapa runakunamanmi Diosmanta willanayku kashan (Hechos 10:42; 1 Juan 5:3). Ñaupa profetakunapas chaytan ruwaranku, mana p’itiytan paykunaqa apashallaranku runakunaman Diospa siminta (Jeremías 25:4). Maytan noqaykuqa runamasiykuta munakuyku, chaymi willanaykupuni kashan Diospa siminta chhaynapi salvasqa kanankupaq (Mateo 24:14).

Juj wasiman kutiqtiykuqa manan “manan munanichu” niq runallachu mayninqa chaypi kashan, mayninpiqa uyarikuyta munaq runakunan chaypi kashanku. ¿Imanaqtinmi chay pasan?

  • Mayninpiqa juj runakunan chayman astakamunku.

  • Mayninpiqa chay mana munaq runaq familianmi chaypi kashan.

  • Chaymantapas manan imamantapas librechu kashanchis. Imaymanakunan kay pachapiqa cambiashan; wakinqa qonqaymi imapipas tarikunku, chaymi chayraq cuentata qokunku Diospa yanapaynin necesitasqankuta (Mateo 5:3). Mayninqa hasta cheqnikuwaqniykupas cambianmanmi imaynan apóstol Pablopas cambiaran chhaynata (1 Timoteo 1:13).

Ichaqa manan jayk’aqpas mana munashaqmanchu runakunamanqa Bibliamanta willayku (1 Pedro 3:​15). Yachasqanchis jina lliupas libren kanchis ima religionpi kanapaqpas (Deuteronomio 30:19, 20).