Kichay leenaykipaq

Jehová Diospa testigonkuna

Simita akllay quechua (Cusco)

¿Imaraykun Jehová Diospa testigonkuna wakin yachachikuyninkunata cambianku?

Noqaykuq imapipas creesqaykuqa Bibliamantan orqosqa kashan. Chayraykun ima yachachikuytapas allinta entiendesqaykuman jina cambiayku. *

Proverbios 4:18 textoq nisqanmi yanapawanku imaraykus cambianayku wakin yachachikuykunata chayta, chaypin nishan: “Chaninkunaq puriyninqa pacha illarimuy k’anchay hinan, allinta p’unchayamuqtin aswan-aswanta k’anchariq hinan”, nispa. Chay textopi nisqan jina, imaynan illarimuypi k’anchaywan pisi-pisimanta imapas rikukun, chhaynatan Diospas siervonkunaman pisi-pisimanta sut’inchan cheqaq yachachikuykunata (1 Pedro 1:10-12). Bibliapiqa willaranñan kay ‘p’uchukay tiempopi’ cheqaq yachayta Dios astawan sut’inchananmanta (Daniel 12:4).

Manan chay cambiokuna ruwakusqanwanqa admirakunachu nitaq llakikunachu. Ñaupa tiempopi Diospa serviqninkunapas wakin yachachikuykunataqa manan allintachu entienderanku, chayraykun imaynachus piensasqankutaqa cambianankupuni karan.

  • Moisesqa manaraq Dios israelitakunata salvananpaq kamachishaqtinmi munaranña paykuna salvayta; chayqa tawa chunka wata ñaupaqtaraqmi karan (Hechos 7:23-25, 30, 35).

  • Mesiasqa wañunanmi karan chaymantataq kausarimpunan karan, chhaynatan profeciaqa willasqa; apostolkunan ichaqa mana chayta entienderankuchu (Isaías 53:8-12; Mateo 16:21-23).

  • Ñaupa cristianokunapas manan allintachu entienderanku ima tiempopis “Jehová Diospa p’unchaynin” chayamunan karan chayta (2 Tesalonicenses 2:1, 2).

Tiempoq pasasqanman jinan Diosqa serviqninkunaman entiendechiran imakunatachus mana allintachu entienderanku chayta. Kunan tiempopas kaqta ruwananpaqmi Diosmanta mañakuyku (Santiago 1:5).

^ párr. 2 Chay sut’inchakusqan yachachikuykunataqa manan noqaykuqa pakaykuchu. Aswanpas lliu runakuna rikunankupaqmi churasqa kashan jw.org nisqa paginapi. Ejemplopaq, qhaway “Aclaración de creencias” nisqata, chayqa kashan INTERNETPI QELQANCHISKUNA nisqapin.