Kichay leenaykipaq

¿Imaynatan Bibliamanta yachachinku?

Jehová Diospa testigonkunaqa Bibliamanta estudio qosqaykupin kay tapuykunata kutichiyku:

  • ¿Pin Dios?

  • ¿Cheqaqtachu Dios munakuwanchis?

  • ¿Imatan ruwanay esposaywan (qosaywan) sumaqta kausanaypaq?

  • ¿Imatan ruwana kusisqa kausanapaq?

Bibliamanta estudiota munachiqtiykun wakin runakuna kaykunata tapukunku:

¿Imaynatan chay estudio aparikun? Bibliataqa sapanka temamantan yachachiyku. “Dios imayna kasqanmanta”, “casado kausaypi kusisqa kausanamanta” yachachispaqa, chaykunamanta willaq textokunatan Bibliapi maskhayku. Chaykunata tupachispan entiendeyku chay temamanta imatachus Bibliaq willasqanta. Sichus juj textota mana entiendeykuchu chayqa, Bibliatan astawan t’aqwiriyku.

Bibliata estudianapaqqa ¿Imatapunin Biblia yachachin? nisqa librowanmi yanapachikuyku. Chay librowanmi facil-llata entiendechiyku Diosmanta, Jesusmanta, jamuq tiempomanta, juj temakunamantapas.

¿Jayk’an valen chay estudio? Chay estudioqa gratisllan, manataqmi estudianapaq Bibliata qelqakunatapas vendeykuchu.

¿Jayk’a tiempon chay estudio aparikun? Chayqa tiemponkuq kasqanman jinan aparikun. Wakin runakunaqa juj horata jinan semanapi juj kutita estudianku.

¿Juj estudiota mañakusaq chayri? Estudiota mañakuqtiykiqa juj Testigon visitamusunki maypichus citasqaykiman jina. Chaypin juj ratolla willasunki imaynatan estudio aparikusqanta. Estudiayta munanki chayqa, sapa kutillanmi visitamusunki.

¿Testigochu kapunay paykunawan estudiaspa? Manan. Testigokunaqa llapa runamanmi Bibliamanta yachachiyta munayku. Ichaqa manan pitapas obligaykuchu Testigo kapunanpaq. Creesqankuta respetaspan Bibliaq willasqallanta yachachiyku; sapanka estudianten ima ruwanantapas decidikunan (1 Pedro 3:15).