Kichay leenaykipaq

Haykuy iskaykaq menú nisqaman

Jehová Diospa testigonkuna

quechua (Cusco)

¿Ima qolqewanmi gastokunata paganku?

Ima gastokuna ruwasqaykupas kapuwasqankuman jina donación churasqaykuwanmi pagakun. Juñunakuyniykupiqa manan pimantapas qolqeta mañaykuchu nitaq diezmotapas (Mateo 10:7, 8). Sichus pipas donacionta qoyta munan chayqa, juñunakusqayku wasipi cajachakunamanmi churankuman. Ichaqa manan willakunchu donacionta churaqkunaq sutintaqa.

Noqayku ukhupiqa manan pipas sueldota chaskinchu. Manan yachachiqkunapas nitaq wasin-wasinta predicaqkunapas sueldoyoqchu kanku. Juñunakusqayku wasikunapas común wasikunallan. Chaymi mana sinchitachu chaykunapi gastayku.

Donacionkuna churasqaykutaqa Jehová Diospa testigonkunaq sucursalninmanmi apachiyku. Chay qolqewanmi yanapakun ima desgraciapipas tarikuq iñiqmasiykuta, misionerokunaq, iñiq t’aqakunata yanapananpaq viajaq iñiqkunaq gastonkutapas. Jinaspapas chay qolqewanmi ruwakun Bibliakunata, qelqakunata, wajcha nacionkunapi juñunakuna wasikunata, juj gastokunatapas.

Sapankaykun decidikusqaykuman jina donacionta churayku iñiq t’aqaykupi gastokunapaq otaq pachantinpi gastokunapaq otaq iskayninpaqpas. Sapanka iñiq t’aqapin willakun jayk’a qolqe churakusqanta imakunapi gastakusqantapas.