Jehová Diospa testigonkunaqa imaymana Bibliakunatan utilizarqayku estudianaykupaq. Chaywanpas “Mosoq Pacha Bibliapin” mastaqa confiayku. Chay Bibliaqa askha rimaykunapin kashan, chaymantapas chaypiqa maypichus rijurinanpin Diospa sutinqa rijurishan, fácil entiendeytaqmi kanpas.

•   Diospa sutin. Manan Bibliata llapa orqomuqkunachu Diostaqa jatunchanku. Chaymi pasarqan juj Bibliawan. Chay Bibliapiqa qanchis chunka más runakunaq sutinmi rijurishan. Chay runakunaqa yaqapaschá Biblia lloqsimunanpaq imallapipas yanapakurqanku, chaypaschá chaypiqa sutinku rijurishan. Ichaqa chay Bibliapiqa manan maypipas kamaqninchis Jehová Diospa sutinqa rijurinchu.

   “Mosoq Pacha Bibliapin” ichaqa Diospa sutinqa maypichus kananpi rijurishan. Chaymantapas Bibliata t’ijraqkunaq sutinqa manan maypipas rijurinchu.

•   Sut’illantan imatapas willan. Wakin Bibliakunapiqa panta-pantatan t’ijrarqanku. Juj Bibliapin Mateo 7:13 textopi nin: “K’illku punkunta haykuychis. Hatun punkunta haykuspa hatun ñanninta riqkunaqa infiernomanmi askhallaña rishanku”, nispa. Kay partepiqa ñaupa rimay qelqakunapiqa manan “infiernoman” ninchu, aswanpas “wañuyman” nispan nishan. Yaqapaschá paykunaqa “infierno” nispaqa churarqanku imapichus creesqankupi, imatachus piensasqankuman jinalla. Ichaqa manan Bibliapiqa maypipas chaymantaqa rimanchu. Chaymi “Mosoq Pacha Bibliapiqa” “wañuyman” nispa churakurqan. Chaytaqa ñaupa rimay qelqakunaman jinan churakurqan.

•   Fácil entiendey. Juj Bibliaqa manan sut’ita rimaqllachu kanan, aswanpas fácil entiendena iman kanan. Wakin Bibliakunapin Mateo 5:3 textopi nin: “Kusisamiyoqmi huch’uyyaykukuspa Diosta maskhaqkunaqa”, nispa. Chaytaqa manan faciltachu wakinqa entiendenku sasa entiendena rimaykunawan t’ijrakusqanrayku. “Mosoq Pacha Bibliapin” ichaqa chay textopi nishan: “Kusisqa kachunku Diosta necesitasqankuta reparakuqkunaqa”, nispa.

 Rikusqanchis jina, “Mosoq Pacha Bibliapiqa” maypichus rijurinanpin Diospa sutinqa rijurishan. Chaymantapas chay Bibliaqa sut’itan imatapas willashan, fácil entiendeytaqmi kashanpas. Manan chayllachu, chay Bibliataqa gratisllan rakikun, chhaynapi lliu runakuna qhapaqpas wajchapas llapanku leenankupaq.