Kichay leenaykipaq

Jehová Diospa testigonkuna

Simita akllay quechua (Cusco)

¿Pin karan Cainpa esposan?

¿Ima ninmi Biblia?

Cainqa ñaupaq warmi-qhari Adán Evaq kuraq wawanmi karan. Cainqa jujnin hermananwanmi otaq familianwanmi casarakuran. Chaytan ninchis Cainmanta familianmantawan Bibliaq nisqanta estudiaspa.

¿Imatan yachanchis Cainmanta familianmantawan?

  • Llapa runan Adán Evaq miraynin kanchis. Diosmi “juj runallamanta llapa runatapas ruwaran kay pachantinpi tiyanankupaq” (Hechos 17:26). Biblian willan Génesis 3:20 textopi Adanpa esposan ‘llapa kausaqkunaq maman kasqanta’. Chayraykun ninchis Cainqa Adán Evaq jujnin mirayninwan casarakusqanta.

  • Adanwan Evawanqa askha wawayoqmi karanku. Cainwan Abelwanmi kuraq karanku (Génesis 4:​1, 2). Cainqa wayqenta wañuchisqanmanta qarqosqa kaspan niran: “Pipas tariwaqniymi wañuchiwanqa”, nispa. (Génesis 4:14). ¿Pitan Caín manchakuran? Bibliaq willasqan jina, Adanqa “churiyallarantaqmi qhari wawakunatapas warmi wawakunatapas” (Génesis 5:4). Chhaynaqa Adán Evaq miraynin runakunan Caintaqa wañuchiyta munankuman karan.

  • Qallariypiqa casarakullaqkun familiarninkuwan. Ñaupa tiempopi Dios sonqo runa Abrahanqa papallanmanta hermanan Sarawanmi casarakuran (Génesis 20:12). Ñaupa tiempopiqa familiarninkuwan casarakuqkunaq wawanqa manan ancha tayta-mamankumanta onqoyniyoqchu naceqku. Kay tiempopin ichaqa askha wawakuna onqoyniyoq nacenku. Familiarninkuwan casarakuytan Moisesman Diospa qosqan kamachikuy prohibiran, chay kamachikuyqa Cainpa wañupusqanmanta pachaj-pachaj watakuna pasaqtinñan lloqsimuran (Levítico 18:9, 12, 13).

  • Biblian rikuchin Adán Evamanta familianmantawan willakuy cheqaq kasqanta. Moisespa qelqasqan Génesis libropipas, Esdras, Lucas librokunapipas ñaupa taytakunamanta willasqankuqa Adankaman chayan (Génesis 5:3-5; 1 Crónicas 1:1-4; Lucas 3:38). Bibliata qelqaq jujkunapas sut’itan rikuchinku Cainmanta willakuyqa cheqaq kasqanta (Hebreos 11:4; 1 Juan 3:12; Judas 11).