Bibliaq kutichisqan

 Bibliaqa manan willanchu qolqerayku pujllaymantaqa. Chhayna kaqtinpas Bibliapi kaq yachachikuykunaqa allintan reparachiwanchis chay ruwayqa jucha kasqanta (Efesios 5:17). a

•   Runakunaqa pujllanku qolqeta munapayasqankuraykun, chaymi Jehová Diosqa cheqnikun chay ruwayta (1 Corintios 6:9, 10; Efesios 5:3, 5). Chaypi pujllaqkunaqa jujkunaq qolqe pierdenankutan munanku chhaynapi paykuna chay qolqeta apakapunankupaq. Ichaqa Biblian yachachin jujkunaq kaqninkunata munapayayqa jucha kasqanta (Éxodo 20:17; Romanos 7:7; 13:9, 10).

•   Askha qolqewan otaq pisi qolqellawan apostaspa pujllayqa qolqe sonqomanmi tukuchiwasunman (1 Timoteo 6:9, 10).

•   Chaypi pujllaq runakunaqa suertepin creenku, chaypin confianku gananankupaq. Ichaqa Diospa qhawarisqanman jinaqa chay ruwayqa juchan, idolokunata yupaychay jinan chayqa (Isaías 65:11).

•   Apostaspa facil-llata qolqe tariymantaqa allinta llank’aspan qolqeta ganananchis, chaytan Diospa simin qelqa yachachiwanchis (Eclesiastés 2:24; Efesios 4:28). Chhaynaqa Bibliaq nisqanta kasukuq runaqa llank’asqan qolqewanmi mijun (2 Tesalonicenses 3:10, 12).

•   Apostaspa pujllayqa mana allinkunatan sonqonchispi paqarichin, pisi-pisimantan gana-ganapi imatapas ruwayta qallarisunman. Chay ruwayqa mana allinninchispaqmi Bibliaq contranpi iman kashan (Gálatas 5:26).