¿Ima ninmi Biblia?

 Jesús kikinmi niran: “Diospa Churinmi kani”, nispa (Juan 10:36; 11:4). Payqa manan jayk’aqpas niranchu “tukuy atiyniyoq Diosmi kani” nispaqa.

 Diosmantan Jesusqa imatapas mañakuq (Mateo 26:39). Discipulonkunatapas paymanta mañakunankupaqmi yachachiran, niranmi: “Yayayku janaq pachapi kaq, sutiyki ch’uyapaq jap’isqa kachun”, nispa (Mateo 6:9).

 Jesusqa Diospa sutintan runakunaman willaran. Juj kutinpipas Diospa simin qelqakunamanta rimaspan niran: “Uyariychis, Israel runakuna, Jehová Diosninchisqa ch’ulla Jehová Diosllan”, nispa (Marcos 12:29; Deuteronomio 6:4).