Kichay leenaykipaq

Jehová Diospa testigonkuna

Simita akllay quechua (Cusco)

¿Allin runallachu Jesús karan?

¿Ima ninmi Biblia?

Jesusqa manan allin runallachu karan, payqa lliu runakunamantapas aswan allinmi karan. Chaymi wakin allin reqsisqa historiadorkuna, escritorkunapas allinta Jesusmanta qelqaranku.

Inglaterra llaqtayoq H. G. Wells historiadormi nin: “Nazaret llaqtayoq Jesusqa kunankamapas allin reqsisqan, manan pay jinaqa pipas kanchu”, nispa.

Estados Unidos llaqtayoq Kenneth Scott Latourette historiadorpas ninmi: “Kay pachapiqa manan pipas Jesús jinaqa karanchu, chaymi paymanta askha runakuna yachayta munaqku pay jina kanankupaq. Kay tiempopipas chaytan ruwashallanku”, nispa.

¿Imaraykun llapa allin runakunamantapas Jesús aswan allin reqsisqa karan? Juj kutinmi Jesús qatikuqninkunata tapuran: “Qankunari, ¿pin niwankichistaq?”, nispa. Jinan Simón Pedroqa niran: “Qanqa Criston kanki, kausaq Diospa Churin”, nispa (Mateo 16:16).