Kichay leenaykipaq

Jehová Diospa testigonkuna

Simita akllay quechua (Cusco)

¿Imatan ruwananchis Bibliamanta allinta entiendenanchispaq?

¿Ima ninmi Biblia?

Bibliapin nishan estudiasqanchista entiendenanchispaq ima ruwananchista. Diosqa willawanchis imatapas simin qelqapin, ‘manataqmi sinchi sasachu’ entiendeyqa (Deuteronomio 30:11).

Biblia estudianapaq yanapaykuna

  1. K’umuykukuqmi kananchis Biblia Jehová Diospa palabran kasqanrayku. Payqa uma oqariqkunaq contranpin kashan (1 Tesalonicenses 2:13; Santiago 4:6). Manan mana iñiq jinaqa kananchischu, Diosqa munan tukuy yachasqanchispi yuyaymanananchistan (Romanos 12:1, 2).

  2. Yachaytan mañakunanchis. Proverbios 3:5 texton nin: “Amataq qan kikiykiq yuyayniykimanqa k’askakuychu”, nispa. Bibliata entiendenanchispaqqa ‘Diosmantan mañakunanchis’ yachayta (Santiago 1:5).

  3. Sapa p’unchaymi estudiananchis. Sichus sapa p’unchay Bibliata estudiasun yuyaymanasuntaq chayqa allinninchispaqmi kanqa (Josué 1:8).

  4. Juj temallamantan estudiana. Bibliamanta astawan yachanapaqqa juj temallamantan estudiana, chhaynapin allinta entiendesun. Qallarisunmanmi fácil entiendey yachachikuykunamanta, chaymantataq sasa entiendey yachachikuytañataq estudiasunman (Hebreos 6:1, 2). Sapanka textokunatan juj textokunawan tupachina, chaypin reparasun sapanka textomantapas askha kutita explicakusqanta. Sasa entiendena textokunatapas allintan entiendesun (2 Pedro 3:16).

  5. Yanapayta maskhay. Sichus Bibliata estudiashaspa mana entiendenchischu chayqa tapukunanchismi allin entiendeqkunata (Hechos 8:30, 31) Jehová Diospa testigonkunaqa gratisllan Bibliamanta yachachiyku. Ñaupa tiempopi cristianokuna jinan kunan tiempopipas runakunata yanapakushan Bibliamanta allinta entiendenankupaq (Hechos 17:2, 3).

Mana necesitakunchu

  1. Manan allin yachaqchu nitaq allin estudioyoqchu kanayki. Jesuspa chunka iskayniyoq apostolninkunapas Bibliapi yachachikuykunataqa allintan entienderanku, chaymi runakunaman yachachiranku. Wakin runaq nisqanman jinaqa paykunan karanku ‘mana educasqa común runakunalla’ (Hechos 4:13).

  2. Qolqe. Bibliamantaqa gratisllan yachawaq, Jesuspas qatikuqninkunatan kayta niran: “Gratisllan chaskirankichis, gratisllataqmi qonkichispas”, nispa (Mateo 10:8).