Kichay leenaykipaq

Jehová Diospa testigonkuna

Simita akllay quechua (Cusco)

¿Ima ninmi Dios askha parejayoq kaymanta?

¿Ima ninmi Biblia?

Diosqa ñaupa tiempopin dejallaran qharikuna askha esposayoq kanankuta (Génesis 4:19; 16:1-4; 29:18-29). Ichaqa manan Dioschu chay ruwaytaqa qallarichiran, aswanpas Diosqa Adanmanqa juj warmillatan qoran.

Diosmi niranña qhariqa juj esposallayoq kananta, chaytan Jesusqa jujmanta llapanchista yuyarichiwaranchis (Juan 8:28). Casarakuymanta Jesusta tapuqtinkun payqa niran: “Runata kamaqqa qallariymantapacha qharita warmitawan kamasqanta. Paymi niran: ‘Chayraykun runaqa taytantapas mamantapas saqepunqa, jinaspa esposanman jujllachakapunqa, iskayninkutaq juj aychalla kapunqaku’”, nispa (Mateo 19:4, 5).

Qhepamanmi Jesuspa jujnin discipulon Diospa yuyaychasqan kayta niran: “Sapanka qhari esposayoq kachun, warmikunapas sapankanku qosayoq kachunku”, nispa (1 Corintios 7:2). Chaymantapas Bibliapin nin casarasqa qhari iñiq t’aqapi ima llank’anatapas chaskinanpaqqa “juj esposallayoq” kananta (1 Timoteo 3:2, 12).