Kichay leenaykipaq

¿Imakunatan Diospa gobiernon ruwanqa?

¿Ima ninmi Biblia?

Diospa gobiernonqa llapan gobiernokunaq rantintan kamachimunqa, lliu allpatataq kamachinqapas (Daniel 2:44; Apocalipsis16:14). ¿Iman pasanqa Diospa gobiernon jamuqtin?

  • Millay runakunaqa manan kanqañachu. ‘Millay runakunaqa wijch’usqan kanqaku’ (Proverbios 2:22).

  • Manan guerrakunapas kanqachu. Diosmi ‘teqsimuyuntinpi auqa-tinkuykunata qolluchinqa’ (Salmos 46:9).

  • Lliupas mana manchakuspan tiyanqaku. “Sapanka runan tiyaykunqa uvas yuran k’uchupipas higos sach’an k’uchupipas, manataqmi pipas manchachiqninku kanqañachu” (Miqueas 4:4).

  • Allpantinmi paraíso kapunqa. “Ch’inneqpas ch’aki pampapas kusikunqan, wajmanta t’ikarispan q’ochukunqa” (Isaías 35:1).

  • Llapa runakunan llank’anankuwan kusikunqaku. “Llank’asqankuq rurusqantan kusisqa mijunqaku. Manan yanqachu llank’anqaku” (Isaías 65:21-23).

  • Manañan onqoykuna kanqachu. ‘Manan pipas “onqosqan kani”, ninqachu’ (Isaías 33:24).

  • Edadniyoqkunaqa waynaman, sipasmanmi tukupunqaku. ‘Aychankuqa qholla wawaq jinaraq kanqa, waynaq jinaraq cuerponkupas kapunqa’ (Job 33:25).

  • Wañusqakunan kausarimpunqaku. “Sepulturakunapi llapa kaqkunaqa [Jesuspa] kunkanta uyarispan lloqsimunqaku” (Juan 5:28, 29).