1. Munakuq Jehová Dioswanmi

sapa p’unchay purishanalla.

Paymi maskhaqninkunata

munakuywan qhawashallanqa.

Diosqa yanapawanchismi

ladonpi kananchispaq.

Chaymi payllata servinchis,

payllapaqpunin kawsanchis.

2. Juicio tiempopin kashanchis,

tukukuypas chayamushanñan.

Chayraykun millay runaqa

contranchispi rimapakushan.

Diosmi ichaqa cuidawasun,

chaymi paywan kananchis.

Paytan wiñaypaq servina,

pay sonqollataq kananchis.

3. Diosmi santo espiritunwan

Siminwanpas yanapawanchis.

Llaqtanpin kallpachawanchis,

makillataq uyariwanchis.

Jehová Dioswan kasun chayqa,

allin kaqtan ruwasun,

hinallataq munakuyta

llamp’u-kaytapas yachasun.