1. Ñawsakunan qhawarinqa,

roqt’ukunan uyarinqa,

ch’aki pampan t’ikarinqa,

pukyukunan wakwarinqa.

Wist’ukunan phawanqaku,

manan pipas wañunqachu.

Chay tiempopi kanapaqqa

qhawashanallan premiota.

2. Upakunan rimarinqa,

kurakkunan waynayanqa,

pachantinpin mikhuy kanqa:

allinkaman lliwpas kanqa.

Wawakunan takinqaku,

wañuqkunan kawsarinqa.

Chayta rikunanchispaqqa

qhawashanallan premiota.

3. Lobon ovejawan kanqa,

puman wakawan purinqa,

huk wawallan michinqapas,

paytan chaypi kasunqaku.

Manchakuypas chinkapunqan,

hinallataq llakikuypas.

Chaypi kawsananchispaqqa

qhawashanallan premiota.