1. Llapan Dios sonqo runakuna,

serviqninkuna, hamuychis.

Jehová Diosllapaq llank’amusun,

paymi yachachiq Diosninchis.

Llamp’u sonqoyoqpi tarpumusun

allin willakuy muhuta.

Hinan munaqqa Dios sonqo kapunqa,

chayraykun Diosmanta willana.

2. Wakin muhuqa chinkapunqan

rumi sonqoyoq runapi.

Wakin runaqa uyarinqan,

ichaqa pisi tiempollan.

Khiska-khiska hina sonqoyoqqa

munasqallantan ruwanqa.

Wakin sonqoqa llamp’ullan sumaqtaq,

chaypin chay muhuqa wiñanqa.

3. Allin t’akaqchus kasun chayqa,

muhun sumaqta wiñanman.

Llamp’u similla kasun chayqa,

lliwpas “willaway” ninmanmi.

Chaymi listopuni kashananchis

allin yachayta qonapaq.

Hinan muhuqa askhata rurunqa,

wakinmi pachakta hinaraq.