1. Jehová Diosta servinapaqqa

lliwmi kallpachanakuna,

hinan munakuy t’ikarinqa,

sumaq kawsaytaq kanqapas.

Diospa llaqtanpi kaqkunaqa

maytan kallpachaykuwanchis,

chaymi millay kaq ñanmantaqa

allin waqaychasqa kanchis.

2. Allin kallpachaykuq simiqa

ukhu sonqomanmi chayan.

Chhayna simitan uyarinchis

llapan iñiqkunamanta.

Iñiqpura Diosta serviyqa

ancha kusikunapaqmi.

Chaymi hukkuna hukkunawan

lliwpas yanapanakunchis.

3. Diospa phiñakuynin p’unchayqa

suwa hinan chayamunqa,

chaymi mana saqenanchischu

mayqen huñunakuytapas.

Diospa amigonkunawanmi

ch’ulla sonqolla servina;

hunt’aq sonqo kananchispaqtaq

lliwwan kallpachanakuna.