1. Kayqa, qhawariychis

Diospa wasin orqota.

Haqay wichaypin kashan,

ancha hatunllañan.

Askhan hamushanku

k’uchun-k’uchunmantaraq,

“haku Diospa wasinman”,

nispan hamushanku.

Kunanqa tiempoñan

huch’uy kaq may hatun kananpaq.

Llapanmi rikunchis

Jehová Diospa yanapayninta.

Askhan hamushanku

Diosllaman qonqorikuq.

“Diosta kasukusun”,

nispan ninakushanku.

 2. Criston kamachirqan:

“Diosmanta willay”, nispa.

Chaymi willamushanchis

llapallan runaman.

Criston Reyña kapun,

“kasuwaychis” nishanmi.

Chaymi lliwman apana,

Diospa k’anchayninta.

Kusisqan kashanchis

Diospa llaqtan wiñasqanmanta.

Llapanmi atinchis

Jehová Diosmanta yachachiyta.

Haku wichasunchis

Diospa wasin orqoman,

chaypin wiñay-wiñay

lliwpas thakpi kasunchis.