1. Kanmi huk libro ancha munayllaña,

chaypin yachachin sumaq kawsayta.

Chay libroqa hatun atiyniyoqmi;

“wañusqatapas” kawsachinmanmi.

Chay librotaqa “Biblia”, nispan nikun,

Dios sonqokunan chayta qelqarqan.

Llapallankutan Diosqa yuyaycharqan,

kallpantan qorqan qelqanankupaq.

2. Chay librollapin paykuna willanku

tukuy kaqtapas Dios kamasqanta.

Qallariypis runaqa ch’uya kasqa,

chaymantas huchaman urmasqaku.

Huk angeltaqsi millayman tukusqa,

paysi Dios contra hataripusqa.

Chhaynapis lliwman llakikuy chayasqa,

ichaqa Diosmi kamachinqaña.

 3. Kay tiempopiqa kusikuymi kashan,

Diospa Wawanñan kamachimushan.

Pikunachá Diosman qayllaykunqaku,

paykunan wiñaypaq kawsanqaku.

Chaykunamantan Bibliaqa willashan,

¡ima munaymi chay willasqanqa!

Diospa Siminqa sumaqtan kawsachin;

qorita hinan qhawarinanchis.