1. Jehová Diosníy, may qhapaqmi kanki;

chaymi qanllata waqyakamuyki.

Mañakusqaytan uyarimunki,

munakuywantaq cuidawankipas.

Sapa p’unchaymi pantashallani,

chayrayku pampachaykuway, Diosníy.

Wawaykin ñoqarayku wañurqan,

chayrayku qanmanta yachachiway.

2. Llapallan yachachisqaykikuna

kusikuchunku k’anchayniykiwan.

Qelqaykipin qanmanta yachani,

wasillaykipi kaytan munani.

Tukuy-atiyniyoq Diosmi kanki,

makiykiwanmi sayachiwanki.

Qanllan qespichiq Reyniyqa kanki,

chaymi qanmanta lliwman willanay.

3. Pachantinman kusikuy hunt’achun,

sutiykiman lliwpas k’umuykuchun.

Kamachikuyniykin chayamunqa,

chaypin llakikuyqa chinkapunqa.

Millay kaqtan Jesús tukuchinqa,

lliwpa sonqontaqmi llanllarinqa.

Qanllatan, Diosníy, hatunchasqayki;

takispataqmi yupaychasqayki.