Kichay leenaykipaq

Índice nisqaman riy

 QALLARIYPI KAQ | BIBLIATAQA LLIUPAS ENTIENDENMANMI

Bibliaqa fácil entiendeymi

Bibliaqa fácil entiendeymi

Bibliaqa antiguo libron. Oriente Medio ladopin qelqayta qallarikuran 3.500 watakuna ñaupaqtaraq. Chay tiempopiqa dinastía Shang nisqan China nacionpi kamachikusharan, chay kamachikuy ñaupa tiempopi kasqanmantan qelqakunapi tarikun. Chay tiempomanta 1.000 watakuna jina pasaqtinmi India nacionpi Budismo religión qallariran (“ Bibliamanta willakuykuna” nisqata qhaway).

Bibliaqa importante tapuykunatan kutichin

Sichus juj libro fácil entiendeylla allin consejokunatataq qonpas chayqa, allintan yanapawanchis. Chhaynan Bibliaqa, vidanchispi aswan importante tapuykunatan kutichin.

Runakunaqa ñaupa tiempomanta pacharaqmi tapukuranku, “¿imapaqmi kausanchis?”, nispa. Chay tapuypa kutichiyninqa Génesis libropi 1, 2 capitulokunapin kashan. Chaypi nisqanman jina, “qallariypin Diosqa” waranqa millón millón watakuna ñaupaqtaraq tukuy imaymanata kamasqa, kay pachatapas cielopi kaq tukuy imaymanatapas, arí ch’askakunata galaxia nisqakunatapas (Génesis 1:1). Chaymantataq willashan imaynatan kay allpa pacha pisi-pisimanta runaq tiyananpaq jina kapusqanta. Imaynapin rikhuriran imaymana clase kausay, jinallataq runapas imaynapi paqarisqanta. Willallantaqmi tukuy kamasqakunapaq imachus Diospa munaynin kasqanta.

ATISUNMANMI ENTIENDEYTA

Bibliaqa allin consejokunatan qon chaykunan yanapawanchis ima problemanchistapas allichanapaq. Bibliaq yachachisqanqa fácil entiendeyllan, chaymanta yachasun.

Bibliaqa fácil entiendeyllan, manan sasa entiendena palabrakunatachu utilizan aswanpas sut’itan willan imatapas, yachayta munanapaq jinataqmi kanpas. Sasa entiendena temakunatapas facil-llatan entiendechiwanchis rimasqanchis palabrakunallata utilizaspa.

Jesusqa runakunaq reqsisqan ejemplokunawanmi yachachiq, chhaynapin paykunaq sonqonman chayaq. Chaytan reparanchis orqo patapi yachachisqanpi, chaymi kashan Mateo libropi 5-7 capitulokunapi. Bibliamanta rimaq juj runan nin:  “Chay discursoqa lliu runatan yanapan, manan imaymana yachachikuywanchu umata junt’achin aswanpas imayna kausanapaqmi orientacionta qon”, nispa. Chay capitulokunapi Jesuspa yachachisqantaqa ratuña leerusunman chaypas, admirakunapaqmi facil-llata imaymanakunamanta yachachisqanqa.

Chaymantapas Bibliaqa sut’illantan yachachin manan cuentokunatachu. Juj libroq nisqan jina: “Humilde runakunaq jinallataq atiyniyoq runakunaq suyakuyninkumanta, fracasasqankumanta, ganasqankumanta jujkunamantapas sut’illantan willan” (The World Book Encyclopedia). Chay runakunamanta chay tiempopi pasasqanmantapas Bibliapi leespaqa paykuna jinan noqanchispas sientekusunman. Fácil entiendeyllan, allintataqmi vidanchispi yanapawanchis (Romanos 15:4).

LLIU RUNAQ TARINANPAQ JINA

Juj librota entiendenapaqqa yachasqayki simipin qelqasqa kanan. Bibliataqa tariwaqmi rimasqayki simipi maypiña tiyanki chaypas. ¿Imaynapitaq chayri kanman?

Traducikun. Bibliaqa hebreo, arameo, griego simikunapin qelqakuran. Ichaqa pisi runallan leeranku chay simikunapi. Tiempowanqa askha traductorkunan Diospa palabranta juj simikunaman traduciranku. Esforzakusqankuraykun Bibliaqa yaqa 2.700 simikunaman traducikuran llapanta otaq wakillantapas. Chhaynaqa pachantinpiqa 90% más runakunan leeyta atinku Bibliapi juj partellatapas rimasqanku simipi.

Rakikun. Bibliaqa qelqakuran papiropi qarapi iman, chaykunaqa gastakullaqmi. Chaymi Biblia mana chinkananpaqqa jujmanta copiashallaqku. Chay copiakunaqa sinchitan valeq, chaymi pisi runakunalla rantiqku. Ichaqa qhepamanmi Gutenberg runa juj maquinata inventaran, chaywanmi Bibliamanta copiakunata ratolla ruwaranku, chaymantaqa 550 watañan pasarun. Llapanpiqa yaqa 5.000 millones copiakunatañan ruwakun.

Manan mayqen librotapas Bibliata jinaqa traducikunchu nitaq rakikunpaschu. Bibliaqa yaqa llapa runaq leenanpaqmi kashan. Sasaña kanman entiendey chaypas kanmi yanapaykuna entiendenapaq. ¿Maypin tariwaq? Qatiqninpin chayta willashan.