QALLARIYPI KAQ | ALLIN COSTUMBREYOQ KANAYKIPAQ CONSEJOKUNA
2 Qhawariy muyuriqniykita
-
Allin alimentoyoq mijuna mijuytachu decidikuranki. Ichaqa ñaupaykipin kashan juj sumaq helado antojakushankitaq.
-
Fumayta saqepuytachu decidikuranki. Ichaqa amigoykin yachashaspapuni juj cigarrota munachisunki.
-
¿Kunanpaqchu ejercicio ruwayta piensaranki? Ichaqa, ¿roperopi p’achaykita maskhayllataraqchu qellakunki?
¿Repararankichu chay kinsantin casopi muyuriqpi kaqkuna afectasqanta? Experienciakunan yachachiwanchis muyuriqninchispi kaqkuna runakunapas allin costumbreyoq kanapaq yanapawananchista otaq manapas; icha kallpachakushaspachus chayllapi quedakapusun chaypaqpas.
BIBLIAQ YACHACHIKUYNIN: “Yuyayniyoqqa mana allin kaqtan reparan jinaspan pakakun, pisi yuyayniyoqkunan ichaqa pasallanku jinaspan k’irisqa rikukapunku” (Proverbios 22:3).
Biblian consejawanchis imatapas ruwanapaq ñaupaqmantaña preparakunanchispaq. Chhaynapin imakunachus aypay munasqanchispi yanapawaqninchis kaqkunata ruwasun (2 Timoteo 2:22). Allinpunin muyuriqninchispi kaqkunata qhawariy.
Mana allin costumbreta saqey allin costumbretataq ruway
KAYTAN RUWAWAQ
-
Mana allin costumbreta saqenapaq. Sichus mana alimentoyoq mijunakunata manaña mijuyta munankichu chayqa, kaytan ruwawaq; amaña chay mijunata rantiychu, chhaynapin chay gustasqasuyki mijunata manaña mijunkiñachu.
-
Allin costumbreta ruwanapaq. Sichus tutallamanta ejerciciota ruwayta munanki chayqa, ch’isinmantaraq p’achaykita listota saqey. Chhaynaqa imatapas ruwanaykipaq ñaupaqmantaña preparanki chayqa, faciltan chay ruwayta qallarinki.
-
Amigoykikunata allinta ajllay. Runakunaqa pikunawanchus astawan tiempota pasanchis paykunamanmi rijch’akunchis (1 Corintios 15:33). Chayrayku pikunachus yanapasunkikuman allin kaqkuna munasqaykita ruwanaykipaq, paykunawan astawanqa puriy; amataq mana allin costumbreyoqkunawanqa.
