Runakunan ninku juj costumbreyoq kanapaqqa 21 p’unchaykuna pasananta. Ichaqa investigaqkunaq nisqanman jina, wakin runakunaqa pisi tiempollapin costumbreyoq kanku wakintaq unay tiempopi. Ichaqa, ¿desanimakunaykichu chaywan?

Kaypi piensay: Yaqapaschá munanki semanapi kinsa kutita ejercicio ruwayta.

• Qallariy semanapi atirunki.

• Iskay kaq semanapi juj kuti mana atirunkichu.

• Kinsa kaq semanapi jujmanta atirunki.

• Tawa kaq semanapi juj p’unchaylla ruwayta atirunki.

• Pisqa kaq semanapitaq jujmanta cumplirunki. Chaymantapachataq sapa semanan ruwapunki.

Pisqa semanapin chay allin costumbreyoq kayta atirunki. Yaqapaschá kunanqa nishu tiempo parecesunki, ichaqa sichus aypanki chayqa, kusisqan sientekunki.

Biblian niwanchis imapas mana usqhayllachu atikusqanta. Arí, jayk’a kutitaña urmasun chaypas, jayk’a kutita sayarisqanchismi aswan importanteqa.

• Mayninpi mana atiruspaqa ama desanimakuychu. Mayninpiqa imapas karuqtinmi mana tiempo aypasunkichu.

• Piensay allinkuna ruwasqaykipi. Ejemplopaq, sichus wawaykikunawan allinta kausayta munashanki chayqa, tapukuy: “¿Jayk’aqmi k’amiyta munarani ichaqa aguantakurani? K’aminaymantaqa, ¿imatan ruwarani? ¿Imaynatan jujpipas chayta ruwayman?”, nispa. Chaykunapi piensaymi allinpuni kanqa, chhaynapi amaña nishutachu pantarusqaykipi piensanaykipaq.

Bibliapin kashallantaq juj consejokuna, chaykunan yanapasunki ama nishuta llakikunaykipaq. Familiaykiwan allinta apanakunaykipaq, sumaq kausayta tarinaykipaqpas. ¿Munawaqchu chay consejokunawan yanapachikuyta? Chaypaq Jehová Diospa testigonkunawan rimay otaq internetpi direccionniykuman jaykuy jw.org.