Kichay leenaykipaq

Índice nisqaman riy

 QALLARIYPI KAQ | ¿IMA NIMMI BIBLIA ANGELKUNAMANTA?

¿Kanchu millay angelkuna?

¿Kanchu millay angelkuna?

Arí, kanmi. ¿Imaynapin paqariranku? Yuyariy, Diosqa decidikunankupaq libretan paykunata kamaran. Adán Eva kamasqa kasqanku qhepallamanmi jujnin perfecto espíritu mana allinta utilizaran chay libre kayninta, jinan Dios contra churakuran. Adanta Evatapas tentaranmi Diosta mana kasukunankupaq (Génesis 3:1-7; Apocalipsis 12:9). Bibliaqa manan willanchu chay angelpa sutinta, nitaq manaraq Dios contra kashaspa cielopi ima puestoyoq kasqantapas. Ichaqa Biblian sutichan Satanás nispa, chayqa “contrapi churakuq” ninanmi Saqra sutitaq “calumniaq” ninan (Mateo 4:8-11).

Llakikunapaqmi, ichaqa chay tiempopin Dios contra jatariy qallariran. Noepa tiemponpin askha angelkuna janaq pachapi ‘maypichus kanankuta, jinallataq maypichus tiyanankuta saqespa’ kay pachaman jaykumuranku. Paykunaqa runa cuerpomanmi cambiaranku, sinchi qhelli ñanpi purinankupaq. Chhaynapin imapaqchus kamasqa kasqankumanta karunchakapuranku (Judas 6; Génesis 6:1-4; 1 Pedro 3:19, 20).

¿Iman sucederan chay millay angelkunawan? Kay allpa pachata Dios limpiananpaq diluviota apamuqtinmi chay angelkunaqa runa cuerponkuta cambiaspa cieloman kutiranku. Ichaqa Diosqa manañan dejaranchu chay millay angelkuna otaq supaykuna ‘maychus tiyanankuman’ kutinankuta. Aswanpas espiritualpi ‘sinchi laqhayaq ukhumanmi’ wisq’aran, chaytan sutichan Tártaro, nispa (Judas 6; 2 Pedro 2:4). Satanasmi “supaykunata kamachiq”, paytaqmi ‘pasachikun allin angelmanta’ (Mateo 12:24; 2 Corintios 11:14).

Biblian willan Diosqa janaq pacha gobiernonta 1914 watapi fundasqanta. * Chay qhepamanqa Satanasmi supayninkunantin cielomanta kay pachaman wijch’uykamusqa karanku. Kay pachapi mana allin kausay sinchita q’oñirisqanmi rikuchin supaykunaqa vengakuq, tukuy mana allin ruwaq kasqankuta (Apocalipsis 12:9-12).

Ichaqa, millay kausay astawan q’oñirisqanmi rikuchin supaykunaq gobiernonqa tukukapunan patapiña kashasqanta. Pisi tiempollamantan Diospa gobiernonqa manaña dejanqachu kamachinanta, pachantintan paraisoman tukuchinqa, jinaspa 1000 wata gobiernanqa. Chay tiempo tukupushaqtinmi supaykunaqa pisi tiempolla runakunata pruebaman churanqaku, chaymantataq wiñaypaq ch’usaqyachisqa kapunqaku (Mateo 25:41; Apocalipsis 20:1-3, 7-10).

^ párr. 6 Astawan yachayta munanki chayqa, ¿Imatapunin Biblia yachachin? nisqa libropi 8 capitulota qhaway. Chaytaqa Jehová Diospa testigonkunan ruwan. Kashanmi jw.org nisqapipas.