Kichay leenaykipaq

Índice nisqaman riy

 QALLARIYPI KAQ | ¿DIOSPA ANCHA SUMAQ REGALONTA CHASKIKUWAQCHU?

¿Imaraykun Diospa regalon ancha valorniyoq?

¿Imaraykun Diospa regalon ancha valorniyoq?

Tawa razonkunata qhawasun: 1) ¿Pin chay regalota qoran? 2) ¿Imaraykun chay regalota qoran? 3) ¿Ima sacrificiotan ruwanan karan? 4) ¿Imaraykun necesario karan? Kay tapuykunapi piensaymi yanapawasun kacharichiymanta astawan agradecekunanchispaq.

¿PIN CHAY REGALOTA QORAN?

Juj regaloqa ancha valorniyoq kanman autoridadniyoq runa qowaqtinchis otaq pi admirasqanchis runapas. Kallanmantaqmi familianchismanta otaq amigonchismanta, pisi qolqewan rantisqaña kanman chaypas. Chay jinan karan Russellpa Jordanman qosqan regalopas, chaytan ñaupa articulopi yacharanchis. Ichaqa, ¿imaynapin tupanman chay regalo kacharichiywan?

Juj kaq, Biblian nin: “Diosqa sapan Churinta kay pachaman kachamusqanwanmi munakuwasqanchista rikuchiran, chhaynapi chay Churinrayku kausayta chaskinanchispaq”, nispa (1 Juan 4:9). Chayraykun chay regaloqa ancha valorniyoq, manan pipas Dios jina autoridadniyoqqa kanmanchu. Juj salmista qelqaran: “Qanllapuni Señor Diosqa [Jehová, NM] kasqaykita yachachunku, qanllapuni teqsimuyuntinpi ancha jatun Dios kasqaykita reqsichunku”, nispa (Salmo 83:18). Manan pimantapas chay jina regalotaqa chaskisunmanchu.

Iskay kaq, Diosqa ‘taytanchismi’ (Isaías 63:16). Paymi kausayta qowaranchis. Chaymantapas payqa cuidawanchis, noqanchismanta llakikun imayna juj tayta wawanmanta llakikun jinata. Ñaupa tiempopi Efraín llaqtamanta rimaspan Dios niran: “Efraín llaqtaqa munasqay wawaypunin, Efraín llaqtaqa luylusqay churiypunin [...] cheqaqtapunin paytaqa khuyapayasaq”, nispa (Jeremías 31:20). Kay tiempopipas kaqllatataqmi sienten serviqninkunamanta. Payqa manan tukuy atiynillayoqchu munakuq tayta amigonchis iman. Chayraykun paypa regalonkunaqa ancha valorniyoq.

 ¿IMARAYKUN CHAY REGALOTA QORAN?

Wakin regalokunaqa valorniyoq munakuywan qowasqanchisrayku. Sonqomanta qoykukuq runaqa, manan qosqanmanta kutichipunankutachu suyan.

Diosmi munakuwasqanchisrayku Churinta noqanchisrayku qoran. “Diosqa sapan Churinta kay pachaman kachamusqanwanmi munakuwasqanchista rikuchiran, chhaynapi chay Churinrayku kausayta chaskinanchispaq” (1 Juan 4:9). ¿Obligasqachu karan chayta ruwananpaq? Manan. ‘Juchamanta kacharichisqa kananchispaq Cristo Jesús juj preciota pagasqanqa’ “Diospa ancha sumaq sonqo kayninpin” ruwakuran (Romanos 3:24).

¿Imaynapin chay regalo ‘Diospa ancha sumaq sonqo kayninta’ rikuchin? Biblian nin: “Criston ichaqa juchasaparaq kashaqtinchis noqanchisrayku wañuran, chaywanmi Diosqa munakuyninta rikuchiwaranchis”, nispa (Romanos 5:8). Munakuq kasqanraykun Diosqa juchallikuq runakunata yanapayta decidiran. Noqanchisqa manan chay munakuyta chaskinanchispaq jinachu karanchis, manataqmi pagayta atisunchu. Chay ruwasqanmi tukuy tiempomantapas aswan jatun regalonqa.

¿IMA SACRIFICIOTAN RUWANAN KARAN?

Wakin regalokunaqa ancha valorniyoqmi, chay regalo qoq runa imaymana sacrificiokunata ruwasqanrayku. Pipas ancha sumaq kaqninta qopuwasunman chayqa, ancha valorniyoqpaqmi chay regalonta qhawarisunman.

Diosmi “sapallan Churinta kachamuran” (Juan 3:16). Ancha munakusqan wawantan qowaranchis. Waranqaq-waranqan watakuna universota taytan kamashaqtinmi Jesusqa paywan kuska llank’aran, ‘sapa p’unchaymi payta kusichiran’ (Proverbios 8:30). Payqa “mana rikuna Diospa rijch’ayninmi” (Colosenses 1:13-15). Manan jayk’aqpas paykuna jina jujllachasqa pipas kausaranchu.

Jehová Diosqa noqanchisraykun Churinta entregaran (Romanos 8:32). Chhaynaqa aswan allin kapuqnintan qowaranchis, manan mayqen regalonpas chay jinaqa kanchu.

¿IMARAYKUN NECESARIO KARAN?

Wakin regalokunaqa ancha valorniyoqmi kanman, sichus necesitasqanchis ratopi qowasunman chayqa. Kaypi piensay: Sichus vidaykita salvanaykipaq necesitashawaq juj tratamientota, ichaqa manataq qolqeyki kanmanchu; chayllamantaq pipas nisunkiman pagapunasuykipaq chayri, ¿imaynan sientekuwaq? Anchatachá agradecekuwaq.

“Imaynan Adanpa causanpi lliu runa wañushanku, chhaynatan Cristorayku lliu runa kausarichisqa kanqaku” (1 Corintios 15:22). Adanpa mirayninqa llapanchismi wañushanchis, manan atinchischu librakuyta onqoymanta wañuymantapas; Dioswanpas manan allinpi kayta atisunmanchu, mana juchayoq kaspa. Jinaspapas runalla kasqanchisraykun mana pitapas ‘kausarichiyta’ atisunmanchu. Bibliaq nisqan jina, “manan mayqenninkupas wayqenta kacharichiyta atinqachu, manan kausayninta qespichinanpaq Diosman pagayta atinqachu” (Salmo 49:7, 8). Chhaynaqa usqhayllan yanapayta necesitanchis, kacharichisqa kananchispaq preciota mana pagayta atisqanchisrayku. Noqallanchismantaqa manan ima ruwaytapas atisunmanchu.

Munakuwasqanchisraykun Jehová Diosqa vidanchista salvananpaq tratamientonchistapas paganman jina Jesuswan ruwaran. ¿Imaynatan chaywan kacharichisqa kanchis? ‘Churin Jesuspa  yawarninmi tukuy ima juchamantapas limpiawanchis’. Arí, Jesucristoq yawar jich’arisqanpi iñisqanchiswanmi juchanchismanta perdonta chaskispa wiñaypaq kausayta atinchis (1 Juan 1:7; 5:13). Kacharichiyqa munakusqanchis wañupuqkunatapas beneficianmi, Biblia nin: “Wañuyqa juj runallawantaq rijuriran chayqa, wañusqakunaq kausarimpuyninpas juj runallawanmi [otaq Jesuswan] kanqa”, nispa (1 Corintios 15:21). *

Jesuspa sacrificakusqanmi aswan valorniyoq imamantapas, chaytan pachantinmanta autoridadniyoq qowaranchis; chaytaqa ruwaran nishu jatunpuni munakuynin kasqanraykun. Manan pipas Jehová Dios jinaqa sacrificiota ruwaranchu noqanchisrayku. Manan ima regalopas kanmanchu juchamanta wañuymanta salvawananchispaqqa. Manan imapas kacharichiy regalo jinaqa kanmanchu.

 

^ párr. 19 Sichus astawan yachayta munanki, imaynata Dios wañupuqkunata kausarichinanmanta chayqa, qhaway 7 capitulota ¿Imatapunin Biblia yachachin? libropi, chaytaqa Jehová Diospa testigonkunan ruwanku kashanmi kay direccionpipas jw.org.