Kichay leenaykipaq

Índice nisqaman riy

 30 ESTUDIO

Mana religionniyoq runakunaq sonqonman chayasun

Mana religionniyoq runakunaq sonqonman chayasun

“Imaymanatan ruwarani imaymana clase runakunata yanapanaypaq, chhaynapi imaynallamantapas paykunata salvanaypaq” (1 COR. 9:22)

82 TAKI ‘K’anchayniykichis k’anchachun’

KAYKUNAMANTA YACHASUN *

1. ¿Iman pasashan último watakunapi?

ÑAUPA tiempopiqa yaqa llapan runakunan religionniyoq karanku. Ichaqa kay último watakunapin askha runakuna manaña religionniyoqchu kapunku. Wakin nacionkunapiqa yaqa llapankun ninku: “Manan juj religionman pertenecenichu, nitaq Diospipas creenichu”, nispa * (Mat. 24:12).

2. ¿Imaraykun askha runakuna manaña religionniyoqchu kanku?

2 ¿Imaraykun kay tiempopi askha runakuna manaña religionniyoqchu kanku? Kusirikuypi otaq problemankupi masta preocupakusqankurayku (Luc. 8:14). Wakintaq mana creenkuchu Dios kasqanpi. Jujkunaqa creenkun ichaqa ninkun: “Religionqa manan kay tiempopaqqa valenchu, yachachisqanpas manan tupanchu cienciaq yachachisqanwan, allin yachachikuykunawanpas”, nispa. Yaqapaschá paykunataqa amigonku, profesorninku, jujkunapas niranku evolucionmanta rijurimunanchispaq. Pisi pruebakunatataq uyariranku Dios kasqanmanta. Jujkunataq religionpi umalliqkuna qolqe sonqo kasqankuta jujkunata dominasqankuta rikuspa phiñakuranku. Wakin nacionkunapitaq autoridadkuna leykunata churanku Diosta ama adoranankupaq.

3. ¿Imapin kay estudio yanapawasun?

3 Jesusmi kamachiwaranchis: “Llapa nacionmanta runakunaman riychis, jinaspa yachachimuychis discipuloykuna kanankupaq”, nispa (Mat. 28:19). ¿Imaynatan mana  religionniyoq runakunata yanapasunman Diosta munakunankupaq Jesuspa discipulon kanankupaqpas? Maypichus uywasqa karanku chayman jinan runakunaqa piensanku, chaytan allinta entiendenanchis. Ejemplopaq, Europa ladomanta runakunaqa manan Asia ladomanta runakuna jinachu piensanku. ¿Imarayku? Europa ladopiqa askha runakunan yachanku Bibliamanta, uyarirankutaq tukuy imatapas Dios kamasqanta. Asia ladopi tiyaq runakunan ichaqa yaqa llapanku Bibliamanta mana yachankuchu, manataq tukuyta kamaq Diospi creenkuchu. Kay estudion yanapawasun llapa predicasqanchis runakunaq sonqonman chayananchispaq, maypiña wiñaranku imapiña creenku chaypas.

MANAN NINANCHISCHU “MANAN CAMBIANQACHU” NISPAQA

4. ¿Imaraykun mana pisipananchischu?

4 Manan pisipananchischu. Sapa watanmi mana religionniyoq runakuna Jehová Diospa testigon kapushanku. Wakinqa allin conductayoqmi karanku, ichaqa manan allinpaqchu qhawariranku religionkunaq mana allin ruwasqanta. Jujkunan ichaqa mana allin kausayniyoq karanku saqepurankutaq mana allin ruwayninkuta. Jehová Diospa yanapayninwanqa tarisunpunin ‘wiñay kausayman apaq ñanninta llapa puriy munaqkunata’ (Hech. 13:48; 1 Tim. 2:3, 4).

Bibliapi mana creeq runakunaq sonqonman chayanapaqqa imayna predicasqanchistan cambiananchis (5, 6 parrafokunata qhaway) *

5. ¿Imaraykun runakuna predicasqanchista astawan uyariwanchis?

5 Sumaqllata respetowan rimananchis. Runakunaqa astawanqa predicasqanchista uyarinku sumaqllata rimasqanchisraykun manan ima nisqanchistachu. Allinpaqmi qhawarinku sumaqllata, respetowan rimasqanchista, paykunapi interesakusqanchistapas. Manan obliganchischu uyariwananchispaq. Aswanpas kallpachakunchismi religionmanta imachus piensasqankuta entiendenanchispaq. Ejemplopaq, wakinqa manan munankuchu religionmanta mana reqsisqanwan parlayta. Jujkunataq phiñakunku Diosmanta imatachus piensasqanta tapuqtinku. Jujkunataq p’enqakunku Jehová Diospa testigonkunawan Bibliata leesqankuta jujkuna rikuqtinku. Imaynaña kaqtinpas entiendenanchismi imayna sientekusqankuta (2 Tim. 2:24).

6. ¿Imaynatan apóstol Pablo rikuchiran jujkunaq imayna sientekusqanta entiendesqanta? ¿Imaynatan ejemplonta qatikusunman?

6 Wakinqa manan uyariyta munankuchu Biblia, Dios, religión nisqa simikunata rimaqtinchis. Chay pasaqtinqa apóstol Pabloq ruwasqantan ruwananchis. Judiokunawan rimashaspaqa Diospa palabrantan utilizaran paykunawan rimananpaq. Aerópago nisqapi griego runakunawan rimaspan ichaqa mana qhawachiranchu Diospa siminta (Hech. 17:2, 3, 22-31). Sichus predicasqanchis runakuna mana munankuchu Bibliamanta leenanchista chayqa, manan leenanchischu. Jinaspapas sichus reparanki uyariqniyki Bibliata leesqaykimanta jujkunaq rikusqanwan p’enqakusqanta chayqa, mana rikunankupaq jinan ruwawaq, yaqapaschá celularta utilizaspa.

7. 1 Corintios 9:20-23 textopin willashan apóstol Pablo imayna predicasqanta, ¿imaynatan noqanchispas chayta ruwasunman?

7 Entiendeq uyariq iman kananchis. Entiendenanchismi imaraykuchus runakuna jujnirayta piensasqankuta (Prov. 20:5). Chaytan apóstol Pablopas ruwaran. Payqa judío runan karan, chaymi mana judío runakunaman jujnirayta predicaran, chay runakunaqa manan yachankumanchu karan Jehová Diosmanta palabranmantapas. Chay jinaqa predicasqanchis runakuna imayna piensasqankuta yachanapaqqa  investigasunmanmi otaq experienciayoq hermanokunata tapukusunman (leey 1 Corintios 9: 20-23).

8. ¿Imaynatan Bibliamanta predicayta qallarisunman?

8 Allin sonqoyoq runakunatan maskhashanchis (Mat. 10:11). Chaypaqqa runakunatan tapunanchis imachus piensasqankuta jinaspa atencionwan uyarinanchis. Inglaterra nacionpin juj hermanonchis predicaspa kay jinata tapun: “Qhawarisqaykiman jina, ¿imatan ruwana matrimoniopi sumaq kausay kananpaq? ¿Imaynatan wawakunata allinta uywasunman? ¿Imaynatan aguantasunman ima injusticiatapas?”, nispa. Uyarisqan qhepamantaq nin: “¿Ima ninkin kaypi nisqanmanta? Chaytaqa 2.000 wata ñaupaqtan qelqakuran”, nispa. Rimaspaqa manan “Biblia” simita rimanchu, aswanmi textota celularninpi qhawachin.

LLAPA RUNAKUNAQ SONQONMANMI CHAYANANCHIS

9. ¿Imaynatan yanapasunman Diosmanta mana rimayta munaq runakunata?

9 Diosmanta mana yachay munaq runakunaman predicananchispaqqa imachus paykunaman interesanman chaymantan rimananchis. Ejemplopaq, askhan admirakunku allpanchispi cielopipas imaymana kasqanwan. Chaymi kay jinata nisunman: “Askha científico runakunan imatapas fabricanankupaqqa allpanchispi kaqkunata copianku. Ejemplopaq microfonota fabricanankupaqqa ninritan estudianku, camarakunata fabricanankupaqtaq ñawita estudianku. Qhawarisqaykiman jina, ninrita ñawitapas estudiaq ingenierokuna, ¿pimantan yachashankuman?”, nispa. Uyarisqayki qhepamantaq niwaq: “Ñaupa tiempomanta poetan kayta niran: ‘Ninrita ruwaq Diosqa, ¿manachu uyarinqa? Ñawita ruwaq Diosqa, ¿manachu rikunqa? [...] Runata yachachiq Diosqa, ¿manachu yachanqa?’”, nispa. Jinaspa niwaq: “Wakin científico runakunapas aceptankun Diospa kasqanta”, nispa (Sal. 94:9, 10). Chaymantataq jw.org® nisqapi juj videota qhawachiwaq, chaypaq jaykuwaq PUBLICACIONES > VIDEOS > ENTREVISTA Y EXPERIENCIAS > OPINIONES SOBRE EL ORIGEN DE LA VIDA nisqaman. Otaq qosunman ¿Es la vida obra de un Creador? folletota otaq El origen de la vida. Cinco cuestiones dignas de análisis folletota.

10. ¿Imaynatan Diosmanta mana rimayta munaq runaman predicayta qallarisunman?

10 Runakunaqa munankun jamuq tiempopi sumaq kausay kananta. Ichaqa askhan  llakikunku allpanchis mana tiyanapaq jina kananmanta. Noruega nacionmanta watukuq umallin nin: “Wakin runakuna manaña munankuchu Diosmanta rimayta chaypas, imayna kausay kasqanmantan rimayta munanku”, nispa. Chaymi napaykusqan qhepaman tapun: “Qhawarisqaykiman jina, ¿pin allpanchispi kausayta allichanman? ¿Politicokunachu cientificokunachu icha jujchu?”, nispa. Tukuy atencionwan uyarisqan qhepamantaq Bibliapi jamuq tiempopi sumaq kausay kananmanta textota leen otaq umallanmanta nin. Wakinqa admirakunkun allpanchis wiñaypaq kashanallanta yachaspa allin runakuna wiñaypaq kausanankumanta yachaspapas (Sal. 37:29; Ecl. 1:4).

11. ¿Imaraykun askha formamanta predicayta yachananchis? Romanos 1:14-16 textopi nisqanman jina, ¿imaynatan Pabloq ejemplonta qatikusunman?

11 Askha formamantan predicayta yachananchis. ¿Imarayku? Runakuna mana igualtachu piensasqankurayku. Wakinqa munankun Diosmanta Bibliamanta rimananchista, jujkunawanmi ichaqa juj temakunamantaraq qallariypi rimananchis. Imaynaña kaqtinpas kallpachakunanchismi llapa runaman predicananchispaq (leey Romanos 1:14-16). Ichaqa manan kayta qonqananchischu: Jehová Diosmi allin sonqoyoq runata yanapan cheqaq kayta yachananpaq (1 Cor. 3:6, 7).

ASIA LADOMANTA RUNAKUNAMAN PREDICASUN

Diospa gobiernonmanta askha predicaqkunan Jesusta mana reqsiq llaqtakunaman rinku, jinaspa Bibliamanta yachasqankuta willamunku (12-13 parrafokunata).

12. ¿Imaynatan Asia ladomanta kaq runakunaman predicasunman?

12 Mundontinpin askha hermanokuna Asia ladomanta runakunaman predicaranku, wakinqa predicasqanchista gobiernoq jark’asqan nacionkunamantaraqmi karanku. Asia ladopi tiyaq runakunaqa yaqa llapankun mana rimankuchu Dios kanchus icha manachus chaymantaqa. Wakinqa aceptankun Bibliamanta estudio munachisqanchista, wakinmi ichaqa mana munankuchu yachayta. ¿Imaynatan paykunaq sonqonkuman chayasunman? Experienciayoq hermanokunaqa ñaupaqtan paykunawan amistadta armanku paykunapi interesakuspa, chay qhepamantaq willanku imaynatas Bibliapi yachasqanku vidanpi yanaparan chayta.

13. ¿Imatan ruwasunman Bibliamanta yachayta munanankupaq? (Tapanpi kaq fotota qhaway.)

13 Askhan uyarikunku vidankupi yanapananpaq textokunata qhawachiqtinchisqa (Ecl. 7:12). Nueva York llaqtapi chino mandarín rimaqkunaman predicaq hermanan nin: “Paykunapin interesakuni, uyarinitaq imachus piensasqankuta. Waj nacionmanta chayllaraq jamusqankuta yachaspaqa tapunin: ‘¿Yachakushankichu kay llaqtaman, tarirunkiñachu llank’anata, allintachu jujkuna tratasunkiku?’”, nispa. Chhaynata tapusqanmi yanaparan predicananpaq. Atikuqtintaq nin: “¿Imatan ruwasunman jujkunawan allinta kausanapaq? Qhawariy Bibliapi imachus nisqanta: ‘Ch’aqwata jatarichiqqa qocharayaq unuta kacharpariq jinan, chayrayku ch’aqwa manaraq qallarishaqtin churanakuyta saqepuy’, nispa. Chaypi nisqan, ¿yanapawasunmanchu jujkunawan sumaqta kausanapaq?”, nispa (Prov. 17:14). Chhaynata predicayqa yanapawasunmi pikunachus uyarikuyta munanku chayta yachanapaq.

14. ¿Imaynatan hermanonchis Asia ladopi kaq Diospi mana creeq runakunata yanapan?

14 ¿Imaynatan predicasunman Diospi mana creeq runakunaman? Juj hermanonchismi Asia ladopi Diospi mana creeqkunaman predican, paymi nin: “Manan Diospiqa creenichu niq runakunaqa nishanku llaqtankupi idolokuna mana adorasqankutan. Chaymi  noqapas nini: ‘Manan runaq ruwasqan idolotaqa adoranichu’, nispa. Jinaspa Jeremías 16:20 textota leeni, chaypin nin: ‘¿Runaqa atinmanchu dioskuna ruwakuyta? Arí, ichaqa manan chaykunaqa dioskunachu’, nispa. Tapunitaq: ‘¿Imaynapin yachasunman mayqenchus cheqaq Dios kasqanta?’, nispa. Uyarispataq Isaías 41:23 textota leeni, chaypin nin: ‘Qhepaman imachus kananta willawayku, qankunaqa dioskuna kasqaykichista yachanaykupaq’, nispa. Jinaspa willani imatas Jehová Dios willaranña chayta”, nispa.

15. ¿Imatan yachanchis Asia ladopi predicaq hermanonchismanta?

15 ¿Imatan ruwan Asia ladopi hermano runakunaman jujmanta visitaspa? Paymi nin: “Vidanchispi Biblia yanapawasqanchistan rikuchini, profeciakuna junt’akusqanta, universopi leykuna kasqantapas. Jinaspan willani imaynatas chaykuna rikuchin tukuyta kamaq Dios kasqanta. Sichus chikallantapas aceptan Dios kasqanta chayqa, rikuchinin imatas Biblia nin Jehová Diosmanta chayta”, nispa.

16. Hebreos 11:6 textopi nisqanman jina, ¿imaraykun estudiantenchiskuna Jehová Diospi Bibliapi ima iñinanku? ¿Imaynatan yanapasunman chayta ruwanankupaq?

16 Mana religionniyoq runakunaman estudiota qoshaspaqa sapa kutillanmi yanapananchis Dios kasqanpi astawan iñinankupaq (leey Hebreos 11:6). Bibliaq yachachisqanpi confianankupaqpas. Chaypaqqa yapa-yapamantan wakin yachachikuykunata explicananchis. Sapa kuti estudiota qospan rikuchinanchis Biblia Diospa palabranpuni kasqanta. Willasunmanmi Bibliapi kaq profeciakunaq junt’akusqanta, cienciamanta historiamanta sut’inta willasqanta, imaynata yachachikuyninkuna vidanchispi yanapawasqanchistapas.

17. ¿Imaraykun yachachisqanchis runakunata munakunanchis?

17 Jesuspa discipulon runakuna kanankupaqqa paykunatan munakunanchis religionniyoqña manaña kaqtinkupas (1 Cor. 13:1). Paykunaman yachachishaspaqa sut’itan rikuchinanchis Jehová Diospas noqanchispas paykunata munakusqanchista. Sapa watanmi waranqanpi Jehová Diosta munakuspa bautizakunku manaña ñaupaqpi paypi creerankuchu chaypas. Chhaynaqa ama pisipasunchu aswanpas llapa runapi interesakusun, piensasqankuta uyarisun, kallpachakusuntaq entiendenanchispaq. Ejemplonchiswan rikuchisun Cristoq discipulonkuna kasqanchista.

76 TAKI ¿Kusikushankichu?

^ párr. 5 Kay tiempopiqa askha runakunan mundontinpi mana mayqen religionmanpas pertenecenkuchu, yaqapaschá wakinwan predicaspa tupasunman. ¿Imaynatan Bibliaq yachachisqanta paykunaman willasunman? ¿Imaynatan yanapasunman Bibliaq yachachisqanpi confianankupaq Jehová Diospipas iñinankupaq? Chaykunamantan kay estudiopi yachasun.

^ párr. 1 Juj encuestata ruwasqankupin yaqa llapa runakuna niranku mana religionniyoq kasqankuta, wakin nacionkunan kaykuna: Albania, Australia, Austria, Azerbaiyán, Canadá, China, República Checa, Dinamarca, Francia, Alemania, Hong Kong, Irlanda, Israel, Japón, Corea, Países Bajos, Noruega, España, Suecia, Suiza, Reino Unido, Vietnam.

^ párr. 53 FOTOMANTA WILLAKUY: Hospitalpi llank’aq hermanonchismi compañeronman predicashan, qhepamantaq chay runaqa jw.org paginanchisman jaykushan.