Kichay leenaykipaq

Índice nisqaman riy

Qosaykipas otaq esposaykipas engañasuqtiyki

Qosaykipas otaq esposaykipas engañasuqtiyki

“Wañukapuytaraqmi munarani qosay aswan sipas warmirayku ripusaq niwaqtin. Chayqa mana entiendey atiymi karan... imaymanatan payrayku ruwarani...” (Españamanta María).

“Esposaymi qonqaylla wasimanta pasakapuran. Chay p’unchayqa wañukapuytaraqmi munarani. Tukuyta paywan planeasqaykuqa chay p’unchaymi tukukapuran. Wakin p’unchaykunataqa allinñan sientekuq kani, ichaqa jujmantan sinchi mal sientekullaqtaq kani” (Españamanta Benito).

ENGAÑO kaqtinqa sinchi sonqo nanaymi. Wakin runakunaqa perdonarankun jinaspa jujmanta tiyapuranku. * Perdonanakurankuña chaypas engañasqa kaqmi sinchi sonqo k’irisqa tarikun. ¿Iman yanapanman chhaynapi tarikuqkunata?

BIBLIAPI KAY TEXTOKUNAN YANAPASUNKIMAN

Sinchi sonqo k’irisqaña tarikuranku chaypas, askhan consuelota Bibliapi tariranku. Leespankun cuentata qokuranku sinchi sonqo nanaypi waqaypi ima tarikusqankuta Dios entiendesqanta (Malaquías 2:13-16).

“Sonqoyta llakikuna ñit’iykushaqtinmi, qanqa sonqochaykuwanki kusirichiwanki” (Salmos 94:19).

Benito nillantaq: “Chay versiculota leespayqa Jehová * Diospas munakuywan yanapawashanman jinan sientekuq kani, imaynan juj munakuq tayta ruwan jinata”, nispa.

“Señor Diosníy, junt’aqpaqqa junt’aqllataqmi kanki” (Salmos 18:25).

Carmen nin: “Qosayqa askha killakunañan engañawashasqa ichaqa allintan yacharani Diosqa mana jayk’aqpas saqewananta”, nispa.

“Ama imamantapas llakipakuychischu, aswanpas mañakuspa, rogakuspa [...] Diosman willakuychis imachus necesitasqaykichista. Jinan Diosqa runaq mana entiendey atisqan thaj kayta qosunkichis” (Filipenses 4:6, 7).

Susan nin: “Chay textotan askha kutita leerani. Diosmantapas askha kutitan mañakurani, chhaynapin thaj kayta tarirani”, nispa.

Kay articulopi rimasqanchis runakunaqa mayninpin sientekuranku manañapas aguantayta atinkumanchu jinata, ichaqa Jehová Diospin confiaranku Bibliataq paykunata kallpacharan. Benito nillantaq: “Diospi iñiymi yanapawaran. Juj tiempon ichaqa ‘manchakuy wañuy llanthu wayq’ontapas purishayman’ jina sientekurani, Diosqa manan jayk’aqpas saqewaranchu”, nispa (Salmos 23:4).

^ párr. 4 Sichus astawan yachayta munanki engaño kaqtin perdonaymanta chayqa, “Cuando el cónyuge es infiel” (Las trágicas consecuencias de la infidelidad, ¿Es posible la reconciliación?, La opción del divorcio) nisqa temata 1999 watamanta 22 abril killamanta ¡Despertad! revistata qhaway.

^ párr. 8 Biblian willan Diospa sutin Jehová kasqanta.