Kichay leenaykipaq

Índice nisqaman riy

¿Pitaq juchayoq?

¿Pitaq juchayoq?

Manataq Dioschu juchayoq chayri, ¿pitaq juchayoq? ¿Imaraykun runakuna yarqaymanta wañushan otaq pobre kaypas kashan? ¿Imaraykun kan guerrakuna, onqoykuna, desgraciakunapas? Biblian ichaqa explican kinsa razonkunarayku ñak’ariy kasqanta:

  1. Ambición, cheqninakuy kasqanrayku. “Runaqa runamasinta mana allinta ruwananpaq munaychakusqantapas” (Eclesiastés 8:9). Runakunaqa millay kausay kasqanwan, jujkuna ambicioso kasqankuwan iman ñak’arinku.

  2. Tiempoq cambiasqanrayku, sapanka imaynapipas tarikusqankurayku. Bibliaqa nillantaqmi: “Aswanpas sapankan imaynapipas rikukunku”, nispa (Eclesiastés 9:11). Accidentekunaqa mayninpiqa pasan mana allin lugarpi tarikusqanchisrayku, mana cuidakusqanchisrayku ima.

  3. Kay pachata kamachiq millay kasqanrayku. Bibliaqa sut’itan nin pichus kay pachapi sufrimiento kananpaq juchayoq kasqanta, ninmi: “Lliu kay pachan ichaqa Satanaspa makinpi kashan”, nispa (1 Juan 5:19). Arí, Satanaspa makinpin kashan payqa atiyniyoq angelmi, qallariypiqa sumaq angelmi karan chaymantan ichaqa ‘t’aqakapuran cheqaq kaqmanta’ (Juan 8:44). Juj angelkunapas Satanastan ambicioso kayninpi yanapakuranku, chaymi paykunapas supaykunaman tukupuranku (Génesis 6:1-5). Diosmanta karunchakusqankumantapachan Satanasqa supaykunantin munasqankuta ruwashanku kay mundopi. Saqraqa phiñasqan kashan chaymi ‘allpa pacha runakunata pantachishan’, Biblia nin: “¡Imaraqchá kanqa allpa pachamanta, lamar-qochamantapas!”, nispa (Apocalipsis 12:9, 12). Satanasqa millay, runa wañuchiq, yana alma, runa engañaq, payqa kusikunmi runakunaq sufrisqanta rikuspa. Satanasmi juchayoq sufrimiento kananpaqqa, manan Dioschu.

KAYPI PIENSAY: Millay mana sientekuqllan mana juchayoq runakunataqa sufrichinman. Diosmantan ichaqa Biblia nin: “Diosqa munakuymi”, nispa (1 Juan 4:8). Chaymi “¡tukuy-atiyniyoqqa manan jayk’aqpas mana chanintaqa ruwanmanchu!” (Job 34:10).

Yaqapaschá kayta tapukunki: “¿Jayk’aqtaq Satanaspa millay kamachisqantari Dios tukuchinqa?”, nispa. Yachasqanchisman jina Diosqa cheqnikunmi millay ruwaykunata, sufrisqanchisqa anchatan sonqonta nanachin. Chaymi Bibliaqa niwanchis: “Chaymantapas tukuy llakipakuyniykichista payman saqeychis, payqa qankunamantan llakikun”, nispa (1 Pedro 5:7). Diosninchisqa tukuy atiyniyoqmi anchatataqmi munakuwanchispas, chaymi pisi tiempollamanta tukuchinqa ñak’ariykunata, millay kausaytapas; astawanraqmi yachasun qatimuq temapi. *

^ párr. 7 Sichus astawan yachayta munanki ¿Imaraykun runakuna sufrinku? nisqa tapuymanta chayqa ¿Imatan Biblia yachachin? nisqa libropi 11 capitulota qhaway. Chaytaqa Jehová Diospa testigonkunan ruwanku. Gratisllan descargawaq www.jw.org/quz nisqamanta.