01 YACHACHIKUY
¿Yanapawasunmanchu Biblia?
Yaqapaschá jayk’aqllapas tapukurqanki: “¿Imataq vidaymantari kanqa? ¿Imaraykun ñak’ariy kan? ¿Imaraykun wañunchis? ¿Imaynan jamuq tiempopi kausay kanqa?”, nispa. Kay kausaypiqa imaymana llakikuykunan kan. Sasan kashan qolqe tariypas, familiata imayna uywaypas. Manan facilchu familiapi thaj kausaypas. Ichaqa Bibliapin kashan llapa chaykunapaq yanapaykuna. Bibliaqa allinninchispaqmi imatapas niwanchis. Chhaynaqa, ¿Biblia yanapanmanchu pi reqsisqaykitapas?
1. ¿Imakunamantan Bibliapi rimashan?
Wakinqa yaqapaschá tapukullarqanchistaq: “¿Imaynapitaq kausayri qallarirqan? ¿Imapaqtaq kay pachapiri kashanchis? ¿Imaraykutaq allin runakunari ñak’arinku? ¿Kanmanchu kay kausaymanta juj kausay? ¿Imaraykun thaj kausaytaña munashaspapas maqanakuyllapi ch’aqwayllapi runa tarikun? ¿Iman kay jallp’a pachawan pasanqa?”, nispa. Llapa chaykunamantapas Bibliapiqa rimashanmi, chaykunata yachananchispaqtaqmi kallpachawanchispas. Askha runakunañan chaykunata allinta yachanku, chaywantaqmi kusisqa kashanku.
2. ¿Yanapawasunmanchu Biblia kusisqa kausananchispaq?
Bibliapin kashan may allin yuyaychaykuna. Chaypin willashan imaynatas familiapi kusisqa kausasunman, imaynatas ama sinchita llakikuspalla kausasunman, imaynatas llank’anapipas kusisqa kasunman chaykunamanta. Kay qelqata estudiasqanchisman jinan llapa chaykunamanta allinta yachanki. Reparankipunichá imaynas “Diospa simin qelqaqa [...] allinpuni” chaytapas (2 Timoteo 3:16).
Kay qelqaqa manan Bibliaq rantinpichu ruwasqa kashan, aswanmi yanapasunki Bibliata allinta entiendenaykipaq. Chayraykun kallpachaykiku kay qelqapi rijurimuq textokunata llapanta leenaykipaq, chaytataq imakunachus yachasqaykiwan allinta tupanachiy.
ASTAWAN YACHASUNCHIS
Kunanqa yachasunchis imaynatas wakin runakunata Biblia estudiay yanaparqan chayta, imatas ruwananchis Biblia leey gustawananchispaq chayta, imaraykus Bibliata estudianapaq allinpuni kanman jujwan yanapachikuy chaytapas.
3. Bibliaqa purinanchispaq k’anchay jinan
Bibliaqa allinta k’anchaq linterna jinan mayninchus purinanchista k’anchawanchis. Bibliaq yachachisqanmi yanapawasun allin yuyaywan imatapas ruwananchispaq, imachus jamuq tiempopi kanqa chaykunata yachananchispaqpas.
Leeychis Salmos 119:105 textota, jinaspa jamuq tapuykunaman jina parlariychis:
-
¿Imaynatan chay textota qelqaq runa Bibliata qhawariq?
-
Qanri, ¿imaniwaqmi Bibliamanta?
4. Bibliapin ima tapukusqanchismantapas yachasun
Juj señoran unayña imaymanakunata tapukuq. Payqa Bibliata estudiaspan yacharqan chay tapukusqankunamanta. VIDEOTA qhawaychis, jinaspa jamuq tapuykunaman jina parlariychis:
-
¿Imakunatan videopi rijurimuq señora tapukuq?
-
¿Imaynatan Bibliamanta yachasqan yanaparqan?
Bibliaq nisqan jina, noqanchisqa tapukushanallanchismi. Leeychis Mateo 7:7 textota, jinaspa jamuq tapuykunaman jina parlariychis:
-
¿Rimashanmanchu Biblia tapukusqaykikunamanta? ¿Mayqenkunamantan rimashanman?
5. ¿Imatan ruwananchis Biblia leey gustawananchispaq?
Askhamanmi gustan Biblia leeyqa, imaymanatataqmi chaypiqa yachanku. VIDEOTA qhawaychis, jinaspa jamuq tapuykunaman jina parlariychis:
-
¿Imatan ninku wakin wayna-sipaskuna leeymanta?
-
¿Imaraykun paykunapaq Bibliata leey imamantapas aswan allin?
Bibliaqa sumaqtan kallpachakun, willanmi jamuq tiempopi sumaq kausay kananmantapas. Leeychis Romanos 15:4 textota, jinaspa jamuq tapuyman jina parlariychis:
-
¿Munawaqchu imaynatas Biblia kallpachawanchis chaymanta astawan yachayta, imaninsi jamuq tiempomanta chaymantapas yachayta?
6. Bibliataqa jujkunaq yanapayninwanmi allinta entiendesun
Wakinqa sapallankuña Bibliata leenku chaypas, jujkunaq yanapasqanmi astawan entiendeshanku. Leeychis Hechos 8:26-31 textokunata, jinaspa jamuq tapuyman jina parlariychis:
-
¿Imaynatan Bibliapi yachachikuykunata allinta entiendesunman? (Qhawaychis Hechos 8:30, 31 textota).
Etiopía llaqtayoq runapas yanapaytan maskharqan Bibliata allinta entiendenanpaq. Kunan tiempopipas jujkunaq yanapasqanmi askha runakuna Bibliapi yachachikuykunata allinta entiendeshanku.
WAKIN RUNAKUNAN NINKU: “Bibliata estudiayqa tiempo pierdeymi”, nispa.
-
Qanri, ¿imaniwaqtaq chaymanta? ¿Imaraykun chayta ninki?
IMATAN YACHAMURQANCHIS
Bibliapin kashan sumaqta kausanapaq allin yuyaychaykuna. Chaypin ima tapukusqanchistapas yachasun. Chaymantapas Bibliaqa llakisqakunatan kallpachan, willantaqmi jamuq tiempopi sumaq kausay kananmantapas.
Yuyarisun
-
¿Ima yuyaychaykunan Bibliapi kashan?
-
¿Ima tapukuykunamantan Bibliapi rimashan?
-
¿Imakunamantan yachayta munawaq? ¿Rimashanmanchu Bibliapi chaykunamanta?
ASTAWAN YACHANAYKIPAQ
Bibliaq imaniwasqanchispas allinninchispaqmi, chaymantan kay qelqapi yachanki.
“Bibliaq yachachikuyninkunaqa wiñaypaqmi” (Qhawaq, 2018 watapi núm. 1)
Kay videota qhawaspan yachanki imaynatas mana valeqpaq jina qhawarikuq runata Biblia yanaparqan chayta.
Bibliamanta yachasqaymi yanapawarqan kusisqa kausanaypaq (2:53)
Imaynapin familiakuna kusisqa kausankuman chaymantan kay qelqapi willashan.
“Familiaykiwan kusisqa kausanaykipaq 12 yanapaykuna” (¡Rijch’ariy!, 2018 watapi núm. 2)
Bibliapiqa sut’itan willan pichus kay pachata kamachishan chayta. Chaymanta astawan yachanaykipaq kay videota qhaway.
¿Imaraykun Bibliata estudianayki? (junt’asqa kaq video) (3:14)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
