53 YACHACHIKUY
Jehová Diospa munasqanman jinan ima kusirikuytapas ajllakuna
Jehová Diosqa “kusisqa Diosmi” (1 Timoteo 1:11). Payqa noqanchispas kusisqa kananchistan munan. Ima ruwananchismantapas samarispa allin ruwaykunawan kusirikunanchistan munan. Kaypin yachasunchis imaynatas, imakunawansi kusirikusunman chayta, imaynatas chaykunata Jehová Diospa sonqonpaq jina ruwasunman chaytapas.
1. ¿Iman yanapawasunman allin kusirikuykunata ajllakunanchispaq?
¿Imakuna ruwaymi gustasunki? ¿Imakunawanmi kusirikunki? Wakinmanqa gustan librokuna leeymi, wakinmantaq takikuna uyariy, película qhaway, internetpi imaymana qhaway. Wakinmantaq gustan amigonkunawan pujllay, paseaq riy, naday, chaykuna jina juj ruwaykuna ima. Ima ruwayña gustawasunman, imaynataña kusirikusunman chaypas allintan reparananchis “ima ruwaykunachus Señorpa sonqonpaq jina chayta” (Efesios 5:10). ¿Imaraykun chayta allinta reparananchis? Wakin runakunaqa Jehová Diospa cheqnisqan ruwaykunawanmi kusirikunku, qhelli ruwaykunata, layqa ruwaykunata, sinchi maqanakuykunata iman qhawanku (leey Salmos 11:5). ¿Iman yanapawasunman allin yuyaywan imatapas ajllakunapaq?
Jehová Diosta munakuq amigokunatan ajllakunanchis. Paykunan yanapawasunchis Jehová Diospa munasqanman jina kusirikuykunata ajllakunanchispaq. 48 yachachikuypi yachamusqanchis jina “yachayniyoqkunawan” purispaqa yachayniyoqmi noqanchispas kasun. “Mana yuyayniyoqkunawan” purispan ichaqa mana allinkunapi tarikusun (Proverbios 13:20).
2. ¿Imaraykun mana nishutachu chaykunaman tiempota qonanchis?
Allin ruwaykunawanña kusirikusunman chaypas manan chaykunallapichu tiempotaqa pasananchis. Sichus chaykunallapi tiempota pasasunman chayqa, manan tiemponchis aypawasunmanchu juj allin ruwaykunata ruwananchispaq. Bibliapunin kallpachawanchis “tiemponchista ama usuchinanchispaq” (leey Efesios 5:15, 16).
ASTAWAN YACHASUNCHIS
Kunanqa yachasunchis imakunas yanapawasunman allin yuyaywan kusirikuykunata ajllakunanchispaq chayta.
3. Mana allin kusirikuykunamanta cuidakusun
¿Imaraykun imawanchus kusirikusun chayta allinta ajllakunanchis? VIDEOTA qhawaychis, jinaspa jamuq tapuykunaman jina parlariychis:
-
¿Imakunapin kay tiempo pujllaykuna ñaupa tiempopi maqanakuykunaman rijch’akun?
-
Chay videopi rikusqanchis jina, ¿imatan Danny yacharqan imakunawanchus kusirikuymanta?
Leeychis Romanos 12:9 textota, jinaspa jamuq tapuyman jina parlariychis:
-
¿Imaynatan chay texto yanapawasunman imawanchus kusirikusun chayta allinta ajllakunanchispaq?
¿Ima ruwaykunatan Jehová Dios cheqnikun? Leeychis Proverbios 6:16, 17; Gálatas 5:19-21 textokunata, jinaspa sapanka textota leespa jamuq tapuyman jina parlariychis:
-
¿Chay textopi nisqanmanta mayqenkunan kay tiempo runakunaq kusirikusqanpi astawan rikukun?
Imatan ruwana allinta ajllakunapaq
Kay tapuykunapin allinta piensananchis:
-
¿Imamantan kanqa, imatan ruwakunqa? ¿Jehová Diospa cheqnikusqan ruwaykunachu chaypi kashanman?
-
¿Jayk’aqmi chay kanqa? ¿Juj allin ruwaykuna ruwananchis ratuwanchu chay tupashan?
-
¿Pikunan chaypi kanqa? ¿Jehová Diosta mana serviq runakunachu chaypi kanqa, unaychu kanqa?
Carrota manejaspaqa manan carreteraq patallantachu apana, aswanmi chaymantaqa karunchakuna. Chhaynan kusirikuykunawanpas, sichus iskayashanchis chayqa manan chaytaqa ajllakunachu.
4. Amapuni tiemponchistaqa usuchisunchu
VIDEOTA qhawaychis, jinaspa jamuq tapuyman jina parlariychis:
-
Chay videopi hermano manaña ima mana allintachu ruwasharqan chaypas, ¿imakunamanmi masta tiempota qosharqan?
Leeychis Filipenses 1:10 textota, jinaspa jamuq tapuyman jina parlariychis:
-
¿Imaynatan kay texto yanapawasunman gustawasqanchis ruwaykunapi ama nishuta tiempota pasanapaq?
5. Allin ruwaykunawan kusirikusun
Cheqnikunña Jehová Dios wakin ruwaykunata chaypas juj ruwaykunaqa sonqontan kusichin. Chay ruwaykunawanqa noqanchispas kusirikusunmanmi. Leeychis Eclesiastés 8:15; Filipenses 4:8 textokunata, jinaspa jamuq tapuyman jina parlariychis:
-
¿Imakunan qanman gustasunki, imakunawanmi kusirikunki?
Jehová Diosta kusichinanchispaq jinan ima kusirikuytapas ajllakunanchis.
WAKIN RUNAKUNAN NINKU: “Imaynapitaq layqa ruwaymanta, maqanakuymanta, qhelli ruwaymanta imapas qhawayri mana allin kanman, chaykunata ruwashayman chaychá”, nispa.
-
Personaykiri, ¿ima niwaqtaq?
IMATAN YACHAMURQANCHIS
Jehová Diosqa kusisqa kausananchistan munan, allin ruwaykunawan kusirikunanchistan munan.
Yuyarisun
-
¿Ima kusirikuykunamantan cheqaq cristianokuna cuidakunanchis?
-
¿Imaraykun kusirikushaspa mana nishutachu tiemponchista usuchinanchis?
-
¿Imaraykun Jehová Diospa munasqanman jina ima kusirikuytapas ajllakuna?
ASTAWAN YACHANAYKIPAQ
¿Pin ajllapuwananchis imatas qhawasun imakunawansi kusirikusun chayta? Chaytan kaypi willashan.
¿Imakunawanmi kusirikuna? ¿Imaynatan chayta ajllakuna? Chayta yachanaykipaq kay qelqata leey.
“Allinniykipaq kaqkunawanchu kusirikushanki” (Qhawaq, 2011 watapi 15 octubre)
Leey imakunas juj runata yanaparqan mana allin kusirikuykunata saqepunanpaq chayta.
“Bibliaq yanapayninwan cambianku” (Qhawaq, 2010 watapi 1 febrero)
Qhaway imatas juj warmi ruwarqan Jehová Diospa cheqnikusqan peliculata ama qhawananpaq chayta.
Cuidakusun Satanaspa munayninman jina kaq peliculakunamanta (2:02)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
