36 YACHACHIKUY
Tukuy imapin honrado kananchis
Kay tiempopiqa yaqa llapa runakunan jujkunata engañayman yachasqa kashanku. Chhaynataq kashan chayqa, sasapaschá kanman honrado kayqa. Chaywanpas Jehová Diospa amigon kananchispaqqa honrado runan kananchis. Lliupas chhayna amigokunatan munasunman ¿riki? Ichaqa, ¿allinchu kanman tukuy imapi honrado kay? Chaymantan kunan yachasunchis.
1. ¿Imaraykun tukuy imapi honrado kananchis?
Tukuy imapipas honrado kasun chayqa, Jehová Dios munakusqanchista respetasqanchista iman rikuchisunchis. Payqa yachashanmi ima piensasqanchistapas ima ruwasqanchistapas (Hebreos 4:13). Sichus honrado kasunchis chayqa, anchatan payta kusichisunchis. Bibliapin nin: “Jehová Diosqa cheqnikunmi millay runakunataqa, chanin runakunawanmi ichaqa sonqota tupachin”, nispa (Proverbios 3:32).
2. ¿Imakunapin honrado kananchis?
Jehová Diosqa munan runamasinchiswan “cheqaqllata rimananchistan” (Zacarías 8:16, 17). Chhaynaqa manan familianchiskunata, llank’aqmasinchiskunata, iñiqmasinchiskunata, autoridadkunata ni pitapas llullakunanchischu, manataqmi imatapas yapaykuspaqa ni wakinta pakaspapas willakunachu. Chaymantapas manan suwakunanchischu nitaq engañananchispaschu (leey Proverbios 24:28; Efesios 4:28). Impuestokunata pagana kaqtinpas pagananchismi (Romanos 13:5-7). Diosta serviqkunaqa “tukuy imapin honrado kananchis” (Hebreos 13:18).
3. ¿Imaraykun honrado kay allinpuni?
Honrado kasun chayqa, jujkunapas confianqakun noqanchispi. Iñiq t’aqapipas thaj kausaymi kanqa, juj familia jinan kausasunchis. Diospa ñaupanpipas allin concienciayoqmi kasunchis. Honrado kasqanchiswanmi “salvawaqninchis Diospa yachachikuyninta [...] sumaqchasunchis”, chayta rikuspaqa yaqapaschá jujkunapas Jehová Diosta serviyta munanqaku (Tito 2:10).
ASTAWAN YACHASUNCHIS
Kunanqa yachasun imaynatas honrado kasqanchista Jehová Dios qhawarin, imaynatas tukuy ima ruwasqanchispi honrado kasunman chaykunamanta.
4. Jehová Diosqa honrado runakunatan munakun
Leeychis Salmos 44:21; Malaquías 3:16 textokunata, chaymantataq jamuq tapuykunaman jina parlariychis:
-
¿Diosmanta imallatapas pakayta atisunmanchu? ¿Imaraykutaq chhaynata ninki?
-
Mayninpi sasaña kaqtinpas sut’illanta imatapas rimasun chayqa, ¿imaynatan Dios chayta qhawarinqa?
Cheqaqllata rimaq wawakunaqa tayta-mamankutan kusichinku. Noqanchispas cheqaqllata rimasunchis chayqa, Jehová Diosninchistan kusichisun.
5. Tukuy tiempon honrado kananchis
Wakinña ninku: “Honrado kayqa yanqan”, nispa chaypas, Diosta serviqkunaqa honradopunin kananchis. ¿Imarayku? VIDEOTA qhawaychis.
Leeychis Hebreos 13:18 textota, jinaspa jamuq tapuykunaman jina parlariychis:
-
¿Imaynatan familiapi rikuchisunman honrado kasqanchista?
-
¿Imaynatan llank’anapipas escuelapipas rikuchisunman honrado kasqanchista?
-
¿Imaynatan juj ruwaykunapipas rikuchisunman honrado kasqanchista?
6. Honrado kayqa allinninchispaqmi
Mayninpiqa yaqapaschá honrado kasqanchisrayku ima llakipipas tarikusun, ichaqa tiempowanqa allinninchispaqpunin kanqa. Leeychis Salmos 34:12-16 textota, jinaspa jamuq tapuyman jina parlariychis:
-
¿Imaynatan honrado kasqanchis vidanchispi yanapawasunman?
-
Qosakunapas esposakunapas mana imatapas pakanakunqakuchu chayqa sumaqtan kausanqaku.
-
Llank’anapi tukuy imapi honrado kanki chayqa, jefeykipas confianqan qanpi.
-
Llaqtaykipipas tukuy imapi honrado kanki chayqa, autoridadkunapas respetasunkin.
WAKIN RUNAKUNAN NINKU: “¿Imataq kanman juj chhikanta llullarikuqtiyri?”, nispa.
-
¿Allinpaqchu Jehová Dios qhawarinman chhikallantapas llullakuyta? ¿Imaraykutaq chhaynata piensanki?
IMATAN YACHAMURQANCHIS
Jehová Diospaq amigon kananchispaqqa tukuy imapin honrado kananchis.
Yuyarisun
-
¿Imakunapin honrado kananchis?
-
¿Imaraykun yanqa kanman Diosmanta imatapas pakay?
-
Piensasqaykiman jina, ¿imaraykun tukuy imapi honrado kananchis?
ASTAWAN YACHANAYKIPAQ
¿Imaynatan tayta-mamakuna wawankuman yachachinkuman honrado kayta? Chaymantan kay videopi yachanki.
¿Ima bendicionkunatan chaskinqaku rimasqankuta junt’aqkuna? Chaymantan kay videopi yachanki.
¿Pagananchispunichu impuestota autoridadkunaña chaywan mana allinkunata ruwankuman chaypas? Chaymantan kay qelqapi yachanki.
“¿Pagananchischu impuestokunata?” (Qhawaq, 2011 watapi 1 setiembre)
¿Imaynapin juj suwa runa honrado runaman tukupurqan? Chaymantan kay qelqapi yachanki.
“Jehová Diosqa sumaq perdonaykuqmi kasqa” (Qhawaq, 2015 watapi 1 mayo)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
