JUJMANTA KUTIY
7 YACHACHIKUY
Ama sayk’uychu
Bibliapin nin: “Allin willakuykunata mana samaspan yachachisharqanku willasharqanku ima”, nispa (Hech. 5:42).
Pabloq imachus ruwasqan
1. VIDEOTA qhaway otaq leey Hechos 19:8-10 textota. Jinaspa qatimuq tapuykunapi yuyaymanay:
¿Imatan yachasunman Pabloq imayna yachachisqanmanta?
2. Yachayta munaq runakunaman kutinanchispaqqa, Bibliamanta yachachiyta qallarinanchispaqpas kallpachakunanchismi, tiempota iman t’aqananchis.
Pabloq ruwasqanta jina ruway
3. Ima horas kutinaykitachus munan chay horasta kutiy. Tapukuy: “¿Jayk’aqmi tiempon kashan rimanaykupaq? ¿Maypi tupanaykutan munanman?”, nispa. Ima p’unchay kutinaykipaqchus nisunki chay p’unchay kutiy, manaña qanpaq facilchu kanman chaypas.
4. Tapuy ima p’unchaychus kutinaykita munanman chayta. Ama ripuychu ima horastas ima p’unchaysi kutiwaq chayta mana tapuspaqa. Amataq qonqaychu chay p’unchay kutiytaqa.
5. Ama pisipaychu. Mana wasinpi tarinkichu otaq ocupasqata tarinki chayqa, ama niychu “manapaschá yachayta munanñachu” nispaqa (1 Cor. 13:4, 7). Aswanpas kutishallay, ichaqa ama tiempoykitaqa yanqa usuchiychu (1 Cor. 9:26).
QHAWALLAYTAQ
Hech. 10:42; 1 Cor. 9:22, 23; 2 Cor. 4:1; Gál. 6:9 textokunata.
