Kichay leenaykipaq

¿Pin kay pachata kamachishan?

¿Pin kay pachata kamachishan?

¿Ima ninkin?

  • ¿Dioschu?

  • ¿Runakunachu?

  • Icha, ¿hukchu?

 BIBLIA NIN:

‘Lliw kay pachaqa saqraq munaychakusqanmi kashan’, nispa (1 Juan 5:19).

“Diospa Churinqa hamurqan saqraq ruwasqankunata thuninanpaqpunin”, nispa (1 Juan 3:8, Diospa Simin Qelqa).

¿IMAYNAPIN YANAPAWANCHIS CHAY TEXTOQ NISQAN?

Kay pachapi sasachakuykuna imarayku kasqantan entiendesun (Apocalipsis 12:12)

Kay pachapi sumaq kawsay kapunanpin suyakusun (1 Juan 2:17)

 ¿CREENANCHISPUNICHU BIBLIAQ NISQANPI?

Arí, ¿imarayku?

  • Saqraq kamachikuynin tukukapunanpaqña kasqanrayku. Jehová Diosqa tukuchinqapunin kay pachapi Saqraq kamachikusqanta. Diosmi prometewanchis “atiyniyoq saqrata” chinkachinanpaq, chhaynapin sumaq kawsay kapunqa (Heb. 2:14).

  • Jesús kamachikuq kananpaq Dios akllasqanrayku. Jesuspa kamachikuyninqa manan kay pachapi Saqraq kamachikuynin hinachu. Diosmi Jesuspa kamachikuyninmanta nin: ‘Mana piniyoqtawan wakchata wanmi khuyapayanqa [...]. Ñak’arichiymantan, sarunchaymantan paykunataqa qespichinqa’, nispa (Salmo 72:13, 14).

  • Dios mana llullakuq kasqanrayku. Biblian nin: “Manan Diosqa llullakunchu”, nispa (Hebreos 6:18). Jehová Diosqa imachus prometesqantaqa hunt’anqapunin (Isaías 55:10, 11). Paymi prometewanchis ‘kay pachapi kamachikuq qollana qarqosqa kananta’ (Juan 12:31).

 TAPUKUY

¿Imaynan kay pacha kanqa Saqraq kamachikuynin tukuchisqa kaqtin?

Chay tapuypa kutichiynintan tarinki: SALMO 37:10, 11; APOCALIPSIS 21:3, 4 textokunapi.