Kichay leenaykipaq

Índice nisqaman riy

 114 CAPÍTULO

Criston juzganqa ovejakunata cabrakunatawan

Criston juzganqa ovejakunata cabrakunatawan

MATEO 25:31-46

  • JESÚS WILLAN OVEJAKUNAMANTA CABRAKUNAMANTAWAN EJEMPLOTA

Olivos orqopin Jesusqa chayamunan tiempomanta, tukukuy tiempomantawan rimaspa apostolninkunaman willaran chunka sipaskunamanta, qolqe bolsakunamantawan ejemplokunata. Chaymantataq willaran ovejakunamanta cabrakunamantawan ejemplota.

Khaynatan niran: “Runaq Churinqa llapa angelninkunapiwan lliflli kayninpi kutimuspanmi qhapaq trononpi tiyaykunqa”, nispa (Mateo 25:31). Askha kutipin Jesusqa pay kikin “runaq Churin” nispa sutichakuran, chaymi chay ejemplopi “runaq churin” nispaqa pay kikinmanta rimasharan (Mateo 8:20; 9:6; 20:18, 28).

¿Jayk’aqmi chay ejemplo junt’akunan karan? Jesús “lliflli kayninpi” kutimuqtinmi. Juj kutikunapipas Jesusqa ñan rimaranña ‘runaq Churin jatun atiywan lliflli kaywan phuyupi jamunanmanta’. Chayqa pasanan karan ‘manchay ñak’ariy qhepallatan’ (Mateo 24:29-31; Marcos 13:26, 27; Lucas 21:27). Chhaynaqa chay ejemploqa chayraqmi junt’akunqa Jesús lliflli kayninpi kutimuqtin. ¿Imatan pay ruwanqa kutimuspa?

Chaymantan Jesús niran: ‘Runaq Churin kutimuqtinmi llapa nacionkuna paypa ñaupanman juñusqa kanqa, paytaq runakunata t’aqanqa, imaynan michiqpas ovejakunata cabrakunamanta t’aqan jinata. Ovejakunatan paña ladonman churanqa, cabrakunatataq lloq’e ladonman’, nispa (Mateo 25:31-33).

Jinaspas Jesusqa reyña kaspa ovejakunata ninqa: “Jamuychis, Yayaypa sumaq qhawarisqan kaqkuna, jinaspa runakunaq qallariyninmantapacha qankunapaq preparasqa gobiernota herenciapaq chaskiychis”, nispa (Mateo 25:34).

Chaymantas Jesusqa ninqa: “Qankunaqa yarqawaqtinmi mijuchiwarankichis, ch’akiwaqtinmi ujachiwarankichis, mana reqsisqaña  kashaqtiypas wasiykichispin sumaqta chaskiwarankichis, q’alalla kashaqtiymi p’achachiwarankichis, onqosqa kashaqtiymi qhawariwarankichis, carcelpi kashaqtiymi watukuq jamuwarankichis”, nispa. Chay oveja jina kaq “allin runakunataqsi” tapunqaku imaynapis chayta ruwaranku chayta, jinas Jesusqa ninqa: “Kay aswan juch’uy wayqeykunamanta jujninpaq imatapas ruwaspaykichisqa noqapaqmi ruwarankichis”, nispa (Mateo 25:35, 36, 40, 46). Manataq cielopi pipas kanchu onqosqa yarqasqa chayqa, Jesuspa chay ‘wayqenkunaqa’ kay pachapi kaq wayqenkunan.

Chaymantas Jesusqa cabrakunata ninqa: “Qankunaqa ñakasqan kankichis, qayllaymanta ripuychis Saqrapaq angelninkunapaqwan preparasqa mana jayk’aq wañuq ninaman. Qankunaqa yarqawaqtinmi mana mijuchiwarankichischu, ch’akiwaqtinmi mana ujachiwarankichischu. Mana reqsisqa kashaqtiymi mana wasiykichispi chaskiwarankichischu, q’alalla kashaqtiymi mana p’achachiwarankichischu, onqosqa kashaqtiypas carcelpi kashaqtiypas manan qhawariwarankichischu”, nispa (Mateo 25:41-43). Chhaynatas cabrakunata ninqa kay pachapi wayqenkunata mana yanapasqankurayku.

Paysi cabrakunata ninqa: “Cheqaqtan niykichis: Kay aswan juch’uy wayqeykunamanta jujninpaq imatapas mana ruwaspaykichisqa noqapaqmi mana ruwarankichischu”, nispa. Jinaqtinsi paykunaqa wiñay wañuyman rinqaku, ovejakunataq wiñay kausayman rinqaku (Mateo 25:45, 46).

Tawa apostolninkunaman Jesuspa imaymana willasqanqa ancha allinpunin llapa cristianokunapaq, chaykunapi piensaspan llapanchis qhawarikunanchis imaynatachus Diosta servishanchis chayta.