Kichay leenaykipaq

Índice nisqaman riy

 5 YACHACHIKUY

¿Pikunan Diosta uyarirqanku Noepa tiemponpi?

¿Pikunan Diosta uyarirqanku Noepa tiemponpi?

Noepa tiemponpi runakunaqa sinchi mana allinkunatan ruwaqku (Génesis 6:5)

Adanwan Evawanqa wawakunayoqmi karqanku, chhaynapin Hallp’api askha runa mirarqan. Qhepamanmi wakin angelkuna Dios contra hatarillarqankutaq.

Paykunan kay Hallp’aman hamuspa runaman tukurqanku warmikunawan casarakunankurayku. Chay angelkunaq churiyasqan wawakunaqa kallpasapa sinchi millaymi karqanku.

Biblian willan runakuna sinchi mana allinta ruwasqankumanta, lliw yuyaykusqankupas mana allinllapuni kasqanmantawan.

 Noeqa Diosta kasukuspan huk arcata ruwarqan (Génesis 6:13, 14, 18, 19, 22)

Noeqa allin runan karqan. Jehová Diosmi payman willarqan mana allin ruwaq runakunata hatun parawan chinkachinanta.

Kamachirqanmi huk hatunkaray arcata ruwananpaq. Chaymanmi familian haykunan karqan, hinallataq imaymana clase animalkunapas.

Noeqa willarqanmi runakunaman hatun para kananta, ichaqa manan uyarirqankuchu. Wakinqa asipayarqankun hukkunataq sinchita phiñakurqanku.

Arca ruwasqanta tukuspan Noeqa chayman animalkunata haykuchirqan.