Kichay leenaykipaq

Índice nisqaman riy

 20 WILLAKUY

¿Imaynatan Umalliq T’aqa llank’ayninta aparin?

¿Imaynatan Umalliq T’aqa llank’ayninta aparin?

Apostolkunaq tiemponpi junta directiva

Junta directivaq carta apachisqanta leekushan

Ñawpa cristianokunaq tiemponpin Jerusalén llaqtapi huk junta directiva karqan, chay juntapin kasharqanku ‘apostolkuna umalli runakuna’ ima. Paykunan iñiq t’aqakunaq sutinpi imatapas decidiqku (Hechos 15:2). Huk hinalla imatapas decidinankupaqqa ñawpaqtan Diospa Simin Qelqata t’aqwiqku, Diospa santo espiritunwantaq pusachikuqku (Hechos 15:25). Kay tiempopipas kanmi huk junta directiva, paykunatan Umalliq T’aqa niyku.

Diosmi paykunawan munayninta hunt’ashan. Chay Umalliq T’aqaqa hanaq pachapaq akllasqa cristianokunan kanku. Paykunaqa anchatan Diospa Simin Qelqapi interesakunku, experienciayoqmi kanku Diospa llaqtanpi ruwaykunata apariypi Diosmanta yachachiypipas. Sapa semanan huñukunku Hallp’antinpi Testigokunaq necesitasqanta qhawarinankupaq. Apostolkunaq tiemponpi hinan Bibliaq nisqanman hina yachachinku cartakunawan, watukuq umallikunawan otaq huk iñiqkunawan. Chaymi yanapawanku Diospa llaqtanpi huk hinalla ruwaypipas yuyaypipas kanaykupaq (Hechos 16:4, 5). Paykunan Bibliamanta qelqakunata ruwamunku, predicacionta ñawpaqman aparinku, Diospa llaqtanpi hatun llank’aykunata apariq iñiqkunatapas akllanku.

Diospa espiritunwan pusachikunku. Umalliq T’aqaqa hatun kamachikuq Jehová Diosta, iñiq t’aqata Umalliq Jesustawanmi kasukun (1 Corintios 11:3; Efesios 5:23). Paykunaqa manan Diospa llaqtanta munaychakuq runakunachu kanku. Llapa akllasqa cristianokuna hinan ‘Cordero Cristowan kuska purinku maytaña riqtinpas’ (Apocalipsis 14:4). Umalliq T’aqaqa anchatan agradecekun paykunapaq Diosmanta mañapusqanchista.

  • ¿Pikunan apostolkunaq tiemponpi kasharqanku junta directiva nisqapi?

  • ¿Imaynatan Umalliq T’aqa Dioswan pusachikun?