Kichay leenaykipaq

Índice nisqaman riy

 26 WILLAKUY

¿Imaynatan yanapakusunman Huñunakuna Wasi cuidayta?

¿Imaynatan yanapakusunman Huñunakuna Wasi cuidayta?

Estonia

Zimbabue

Mongolia

Puerto Rico

Jehová Diospa testigonkunaq Huñunakunanku Wasiqa Diospa ch’uya sutintan apan, chaymi sumaqta limpiota hap’inanchis. Chayta ruwaspan Diosta yupaychanchis, llapanchistaqmi chaypiqa yanapakusunman.

Huñunakuna Wasita pichaypi yanapakuspa. Sapa huñunakuy tukuytan askha iñiqkuna yanapakunku pichaypi, sapa semanataq huk kutita hawantin ukhuntinta pichakun. Huk umalli otaq yanapakuq qharin chayta umallin, yaqapaschá imakunachus ruwanata listapi qhawarispa. Chaypin: pichanku, pisota maqllinku, sillakunata limpiaspa maychus kananpi churanku, bañokunata, espejokunata, ventanakunata maqchinku, basurata wikch’unku, wasi hawatapas limpiaspa allichanku. Watapin huk kutita allin-allinta chaykunata ruwakun. Wawakunapas yanapakunkumanmi imallapipas, chaymi yanapanqa chay wasita respetanankupaq (Eclesiastés 5:1).

Wasi allichaypi yanapakuspa. Sapa watanmi qhawarikun Huñunakuna Wasiq hawanpas ukhunpas imayna kashasqanta. Chayman hinan qhawarinku imakunatan allichana kanqa allillan kananpaq, qhepaman ama nishu gasto kananpaqpas (2 Crónicas 24:13; 34:10). Diosninchista yupaychana wasiqa allin allichasqa limpion kanan. Ima ruwaypipas yanapakuspaqa Jehová Dios munakusqanchista, wasinpi interesakusqanchista iman rikuchisun (Salmo 122:1). Hinaspapas vecinokunan Huñunakunanchis Wasimanta allinta rimanqaku (2 Corintios 6:3).

  • ¿Imaraykun Huñunakunanchis Wasita sumaqta hap’inanchis?

  • ¿Imakunatan ruwakun Huñunakuna Wasi limpio kananpaq?