Kichay leenaykipaq

Índice nisqaman riy

Lloq’e ladopi: 1946 watapin Suiza nacionmanta iñiqmasinchiskuna imaymana yanapaykunata Alemania nacionman apachirqanku; paña ladopi: Lamar-qocha wasikunata thunisqan qhepamanmi Japón nacionpi huk huñunakuna wasita hatarichishanku (2011)

 SOQTA T’AQA

Diospa gobiernontan yanapanchis: Yupaychana wasikunata hatarichikun, necesitaqkunata yanapakun

Diospa gobiernontan yanapanchis: Yupaychana wasikunata hatarichikun, necesitaqkunata yanapakun

 HUK iñiqmasinchismi tiyasqan ladopi huñunakuna wasiman haykuspa manaña kaqllatachu rikurqan. Payqa yuyarinmi ñawpaq watakunapi chay wasi hatarichiypi yanapakusqanta, chaywantaq kusisqa kashan. Ichaqa huk hatun wayra hamusqanraykun unuqa runakunaq wasinkumanraq haykurqan, hinan sucursalmanta encargakuqkuna iñiqmasinchiskunata yanapanankupaq chay huñunakuna wasiman mikhunakunata, p’achata, unuta, hukkunatapas apachirqanku, chaykunataq ordenpi kasharqan. Iñiqmasinchisqa aswan kusisqan kasharqan tiyasqan ladopi huñunakuna wasipi chhayna yanapaykunata qosqankumanta. Chaypi kaq iñiqmasinchiskunaqa filata ruwaspan necesitasqankuta chaskikurqanku, hukkunaqa waqasparaqmi chaskikurqanku.

Jesusmi willarqan qatikuqninkuna munanakusqankupi reqsisqa kananku kasqanta (Juan 13:34, 35). ¿Imaynatan cristianokuna munanakusqankuta rikuchinku huñunakuna wasikunata hatarichispa, necesitaqkunata yanapaspa ima? Chaymantan kay t’aqapi yachasun. Chhayna munanakusqanchismi sut’ita rikuchin rey Jesucristoq kamachikuyninpi kawsashasqanchista.

KAY T'AQAPIN KAYKUNA KASHAN

18 CAPÍTULO

¿Ima qolqewanmi Diospa gobiernonta yanapanchis?

¿Maymantan qolqeta horqonku? ¿Imatan chay qolqewan ruwanku?

19 CAPÍTULO

Yupaychana wasikunata hatarichiyqa Diostan hatunchan

Yupaychana wasikunaqa Diostan hatunchan, ichaqa Diosqa huktan aswan allinpaq qhawarin.

20 CAPÍTULO

Hukkunata yanapaspaqa Diostan servishanchis

¿Imaynapin yachanchis hukkunata yanapay Diosta serviy kasqanta?