Kichay leenaykipaq

Índice nisqaman riy

Lloq’e ladopi: Corea nacionpi huk colportora predicashan (1931); paña ladopi: Corea del Sur nacionpi makiwan rimaq runata predicashanku

 ISKAY T’AQA

Diospa gobiernonmanta willakun: Allin willakuykunata pachantinpi willakun

Diospa gobiernonmanta willakun: Allin willakuykunata pachantinpi willakun

 HUK iñiqmasinchisqa predicaq rinanpaqmi alistakurqan, payqa sayk’usqan kasharqan semanantin llank’asqanmanta, chaymi qhepakuyta munarqan wasinpi. Ichaqa Diosmanta mañakuspan predicaqqa lloqsirqanpuni. Payqa huk kurak cristianawanmi predicarqan, chay iñiqmasiqa tukuy sonqowanmi unayña Diosta servisharqan, chayqa ancha allin qhawarinapaqmi. Wasin-wasinta predicashaspan kayta piensaykurqan: “Kay ratopin iñiqmasikunaqa pachantinpi ñoqa hina predicashanku, kaq qelqakunallawanmi predicashankupas, hinaspapas llapallankun kaq preparacionta chaskinku”, nispa. Wasinman kutipuspaqa manañan sayk’usqañachu kasharqan, ancha kusisqataqmi kasharqan wasinpi mana qhepakusqanmanta.

Kay tiemponchispiqa Diospa gobiernonmi runakunata yachachishan. Jesusmi willarqan tukukuy p’unchaykunapi pachantinpi predicakunan kasqanta (Mat. 24:14). ¿Imaynatan chay profecía hunt’akurqan? Kay t’aqapin rimasun pikunachus predicasqankumanta, imaynata predicasqankumanta, imakunawan predicasqankumantapas, chaykunata ruwaspan askha runakunata yanapakushan Diospa gobiernon cheqaq kasqanta yachanankupaq.

KAY T'AQAPIN KAYKUNA KASHAN

6 CAPÍTULO

Diospa llaqtanmi predican: Tukuy sonqonkuwan predicaq runakuna

¿Imaraykun Jesús seguro kasharqan kay tukukuy p’unchaykunapi ancha askha predicaqkuna kananmanta? ¿Imaynatan rikuchisunman Diospa Gobiernonta ñawpaqta maskhasqanchista?

7 CAPÍTULO

Predicanapaq imaymana yanapaykuna: Imaymanata utilizakun runakunata yachachinapaq

¿Imakunatan Diospa llaqtan utilizarqan askha runakunata yachachinanpaq? Chaymanta yachay.

8 CAPÍTULO

Predicanapaq imaymana qelqakuna: Qelqakunata ruwakun

Qelqanchiskunaqa askha simikunamanmi t’ikrakun, ¿imaraykun chhayna kasqan rikuchin rey Jesucristo yanapawasqanchista? Qelqanchiskuna ruwakusqanmanta, ¿mayqen willakuykunan rikuchisunki Diospa gobiernon cheqaq kasqanta?

9 CAPÍTULO

Predicakusqanraykun aswan askha kanchis: ‘Chakrakunaqa [...] ichhunapaqmi poqosqaña kashan’

Espiritual cosechamanta rimaspan Jesusqa iskay yachachikuykunata qatikuqninkunaman yachachirqan. ¿Imaynatan chaykuna kay tiempopi hunt’akushan?