Kichay leenaykipaq

Índice nisqaman riy

Lloq’e ladopi: Alabama (Estados Unidos) llaqtapi huk iñiqmasinchis uyarichishan Rutherford iñiqmasinchispa grabasqa discursonta (1930 watakuna tukuyta); paña ladopi: Suiza nacionpi kashanku

 HUK T’AQA

Diospa gobiernonmanta cheqaq yachachikuy: Predicanapaq imaymana yanapaykuna

Diospa gobiernonmanta cheqaq yachachikuy: Predicanapaq imaymana yanapaykuna

 ISKAY iñiqmasikunan huk runaman estudiota qospanku huk textota leerqanku, chay qhepamanmi rikurqanku chay runaq ñawin kusikuymanta k’ancharisqanta, hinaspan paykunata nirqan: “Paraisopi wiñaypaq kawsananchismantaqa manan yacharqanichu. ¿Chaytachu Biblia yachachin?”, nispa. Huknin iñiqmasitaq kutichirqan: “¿Ima nishanmi chay texto leesqaykipi?”, nispa. Admirakuspan chay runa nirqan: “¿Imaraykutaq kaytari mana yachachiwarqankuchu?”, nispa. Chay runaqa chhaynallatataqmi nirqan Diospa sutin Jehová kasqanta yachaspapas.

¿Hayk’aqllapas chayta repararqankichu estudiota qoshaspa? Askhan chayta repararqanku. Chaykunan yuyarichiwanchis huk ancha valorniyoq regalota chaskisqanchista, chay regaloqa Bibliapi cheqaqta yachasqanchismi. Kayta tapukuy: “¿Imaynatan chay regalo ñoqaman chayamuwarqan?”, nispa. Kay t’aqapin chaymanta yachasun. Diospa llaqtan pisi-pisimanta cheqaq yachachikuykunata entiendesqanmi rikuchin Diospa gobiernon cheqaq kasqanta. 100 watañan rey Jesucristo Diospa llaqtanman cheqaqta yachachishan.

KAY T'AQAPIN KAYKUNA KASHAN

3 CAPÍTULO

Jehová Diosmi munayninta reqsichin

Manaraq runakunata kamashaspa, ¿yuyaykurqanchu Dios huk gobierno paqarichiypi? ¿Imaynatan Diospa gobiernonmanta Jesús astawan willarqan?

4 CAPÍTULO

Jehová Diosmi sutinta hatunchan

¿Imakunatan Diospa gobiernon ruwarqan Diospa sutin hatunchasqa kananpaq? ¿Imata ruwaspan yanapakuwaq Diospa sutin ch’uyanchasqa kananpaq?

5 CAPÍTULO

Diospa gobiernonmanta astawan yachakun

¿Iman Diospa gobiernon? ¿Pikunan Cristowan kuska kamachimunqaku? ¿Pikunatan kamachimunqaku? ¿Imaraykun Diospa gobiernollanta kasukunanchis?