¿Iman Diospa Gobiernon?
¿Ima ninkin?
¿Sonqonchispi kasqanchu?
¿Rikch’anachiy simillachu?
Icha, ¿hanaq pachapi gobiernochu?
BIBLIA NIN:
“Hanaq Pacha Diosqa mana hayk’aq thunikuq suyuta [otaq gobiernota] sayarichinqa”, nispa (Daniel 2:44, Diospa Simin Qelqa).
“Diosmi qowanchis huk qhari wawata, paymi ñoqanchista kamachiwasun”, nispa (Isaías 9:6).
¿IMAYNAPIN YANAPAWANCHIS CHAY TEXTOQ NISQAN?
Chay Gobiernoqa chanintan imatapas ruwanqa, sapankanchistan yanapawasunpas (Isaías 48:17, 18)
Sumaq kawsaytan apamunqa. Chaypiqa kusisqan kawsasun manataqmi onqosunchu (Apocalipsis 21:3, 4)
¿CREENANCHISPUNICHU BIBLIAQ NISQANPI?
Arí, ¿imarayku?
Jesusmi rikuchirqan Diospa Gobiernon imakuna ruwananta. Qatikuqninkunatan yachachirqan chay Gobiernota mañakunankuta (Mateo 6:9, 10). Willarqanmi chay mañakusqanku imayna hunt’akunantapas.
Jesusmi kay hallp’api kashaspa yarqachikuqkunata mikhuchirqan, onqosqakunata hampirqan, wañusqakunatapas kawsarichirqan (Mateo 15:29-38; Juan 11:38-44). Chaykuna ruwasqanpin sut’ita rikuchirqan Diospa Gobiernonpi pay kamachiqtin sumaq kawsay kananta (Apocalipsis 11:15).
Kay pachapi imaymana pasasqanmi rikuchin pisi tiempollamanta Diospa Gobiernon kamachimunanta. Jesusmi willarqanña Diospa Gobiernon kamachikamunanpaq pisillaña kashaqtin guerrakuna, terremotokuna, yarqaypas kananta (Mateo 24:3, 7).
Llapanchismi rikushanchis chaykuna kay tiempopi hunt’akusqanta. Chaymi sut’ita rikuchiwanchis Diospa Gobiernon kamachimunanpaq pisillaña kashasqanta.
TAPUKUY
¿Imaynatan kawsasun Diospa Gobiernon kamachikamuqtin?
Chay tapuypa kutichiynintan tarinki: SALMO 37:29; ISAÍAS 65:21-23 textokunapi.
Astawan yachanapaq
BIBLIAMANTA TAPUYKUNA
¿Kanqachu thaj kausay kay pachapi?
Kaypin yachanki Diospa gobiernon thaj kayta pachantinman apamunanmanta.
