Kichay leenaykipaq

Índice nisqaman riy

 8 T’AQA

¿Pikunan Diospa enemigonkuna?

¿Pikunan Diospa enemigonkuna?

Satanasmi Diospa hatun enemigonqa. Chay angelmi Jehová Dios contra hatariran. Satanasqa churapakushallanmi Dioswan, runakunatapas sinchita ñak’arichishan. Satanasqa sinchi millay angelmi, llullakuqtaq, runa wañuchiqtaq (Juan 8:44).

Huk angelkunapas Satanasman hukllachakuspa Diospa contranpi ­hatariranku. Chay angelkunatan Biblia sutichan supaykuna nispa. Supaykunapas Satanás hina, runakunaq enemigonmi kanku. Runakunata ñak’arichispa kusikunku (Mateo 9:32, 33; 12:22). Jehová Diosmi Satanasta supayninkunatawan wiñaypaq wañuchinqa. Manañan unaytañachu runakunata ñak’arichinqaku (Apocalipsis 12:12).

Diospa amigon kanapaqqa manan Satanaspa munasqantachu ruwana. Satanaspas supayninkunapas Jehová Diosta cheqnikunku. Diospa enemigonmi kanku, munankutaqmi noqanchispas paykuna hina kananchista. Chay rayku akllakunanchis pi kusichiy munasqanchista: Satanastachu icha Jehová Diostachu. Wiñaypaq kawsayta munaspaqa Diospa munayninta ruwananchis. Satanasqa imaymanamantan runata q’otun, imaymana toqllakunawan. Ahinapin yaqa llapa runata q’otuspa pantachin (Apocalipsis 12:9).