Kichay leenaykipaq

Índice nisqaman riy

 2 T’AQA

Diosmi aswan allin amigoqa

Diosmi aswan allin amigoqa

Ima sumaqmi Diospa amigon kayqa. Diosmi yachachisunki kusisqa, waqaychasqa kawsanaykipaq; paymi pantasqa yachachikuykunamanta millay ruwaykunamantapas kacharichisunki. Mañakusqaykita uyarinqa. Thak kaytapas qosunki mana manchakuspa kawsanaykipaq (Salmo 71:5; 73:28). Diosmi yanapasunki sasachakuypi tarikuqtiyki (Salmo 18:18). Wiñay kawsaytapas qosunki (Romanos 6:23).

Diosman asuykuspaqa amigonkunamanpas asuykunchismi. Diospa amigonkunaqa amigoykin kanqa. Familiaykikuna hina kanqaku. Paykunaqa kusisqan Diosmanta yachachisunki, yanapasunki, kallpachasunkitaq.

Manan Dios hinachu kanchis. Diospa amigon kayta munaspaqa, kayta entiendenanchis: Dioswan amigota ruwayqa manan runakunawan amigota ruway hinachu. Diosqa noqanchismanta aswan kuraqmi, aswan yachayniyoqmi, aswan atiyniyoqtaqmi kanpas. Payllan derechoyoq Kamachikuqninchis kananpaq. Chaymi Diospa amigon kanapaqqa uyarinanchis, kasukunanchistaq ima niwasqanchistapas. Diosta kasukuyqa allinninchispaqpunin kanqa (Isaías 48:18).