Kichay leenaykipaq

Índice nisqaman riy

 15 T’AQA

Diospa amigonkunaqa allin kaqta ruwanku

Diospa amigonkunaqa allin kaqta ruwanku

Amigonchista allinta qhawarinchis respetanchistaq chayqa, pay hina kayta munanchis. Biblian nin: “Allinpunin chaninpunin Señor Diosqa”, nispa (Salmo 25:8). Diospa amigon kanapaqqa allin runa, chanin runa kananchis. Biblian nin: “Diospa munasqa wawankunan kankichis, chayrayku payman rikch’akuq kaychis. Munanakuypi kawsaychis”, nispa (Efesios 5:1, 2). ¿Imaynatan Jehová Diosman rikch’akusunman?

Hukkunata yanapaspa. “Lliwpaq allinkaqta ruwasunchis.” (Gálatas 6:10.)

Allin llank’aq kaspa. “Suwakuqqa amaña suwakuchunñachu, aswanpas llank’achun, allinkunata makinwan ruwaspa.” (Efesios 4:28.)

Cuerpopi kawsaypi ch’uya kaspa. “Tukuy qhelli kaqmanta ch’uyanchakusun aycha cuerponchispipas espiritunchispipas, Diosta manchakuspataq aswan-aswan ch’uyata kawsasun.” (2 Corintios 7:1.)

 Familianchiskunata munakuywan respetowan qhawarispa. “Qosakuna, sapankaykichis qankuna kikiykichista hinapuni esposaykichista munakuychis, hinallataq qankunapas esposakuna qosaykichista respetaychis. Wawakuna, tayta-mamaykichista [...] kasukuychis.” (Efesios 5:33–6:1.)

Hukkunata munakuspa. “Hukkuna hukkunawan munanakusun, munakuyqa Diosmantan paqarimun.” (1 Juan 4:7.)

Llaqta kamachikuqkunata kasukuspa. “Kamachikuqkunataqa llapa runan kasukunan [...]. Pimanpas qonaykichis kaqtaqa qoychis: [...] impuesto paganaykichis kaqtinqa pagapuychis.” (Romanos 13:1, 7.)