Kichay leenaykipaq

Índice nisqaman riy

 10 TAPUY

¿Imaynatan Biblia yanapawanman?

¿Imaynatan Biblia yanapawanman?

KAYTAN YACHANAYKI:

Biblian nin: “Diospa simin qelqapi qelqasqa kaqqa llapanmi Diospa yuyaychasqan”, nispa (2 Timoteo 3:16). Chhaynaqa allintan yanapasunkiman.

¿IMATAN RUWAWAQ?

Davidmanta yachasunchis. Paysi chinkasqa manejashan carronta. Manas reqsinchu callekunata, chaypi kaq wasikunatapas manas jayk’aqpas rikusqachu. Payqa manas yachanchu imaynapis chay callekunaman jaykuran chayta.

¿Imatan ruwawaq David kaspa?

¡ÑAUPAQTA PIENSAYKUY!

David kaspari:

  1. ¿Pillatapas tapurikuwaqchu?

  2. ¿Mapawanchu otaq GPS nisqawanchu yanapachikuwaq?

  3. ¿Jinallachu maytapas riwaq reqsisqayki calleta tarinaykikama?

Chhaynapi tarikuspaqa manachá jinallaqa maytapas manejawaqchu.

Aswanpas juj mapatachá qhawariwaq otaq GPS nisqawan yanapachikuwaq.

¡Chhaynatan Bibliapas yanapasunkiman!

Manan kanchu Biblia jina askhanpi vendesqa libroqa.

  • Biblian yanapasunki sasachakuykunata atipanaykipaq.

  • Yanapasunkin qan kikiykita allinta reqsikunaykipaq, allin runa kanaykipaqwan.

  • Yachachisunkin kusisqa kausanaykipaq.

 BIBLIALLAN IMAMANTAPAS ALLINTA YACHACHISUNKI

¿Imatan wawakuna tapukunku? Wakinmi tapukunku:

  • “¿Imanaqtintaq cielori azul colorniyoq?”

  • “¿Imamantan ch’askakuna ruwasqa kashan?”, nispa.

Wiñaspankun ichaqa aswan importante kaqkunamanta tapukunku. Wakinmi tapukunku:

Chaykunamantapas Bibliaqa allintan yachachin.

Askha runakunan piensanku Bibliaqa cuentokunallamanta rimananpaq, manaña kay tiempopaqchu kananpaq, otaq sinchi sasa entiendena kananpaq. ¿Cheqaqchu chhayna piensasqanku kanman? Icha, ¿pantashankumanchu?

Wakinpa nisqanman jinaqa, Diospa munayninsi kanman kay pachapi tukuy ima pasasqanpas, chhaynatas paykunapaqqa Biblia yachachin. ¿Cheqaqchu chay kanman? ¿Diospa munayninchu kanman kay pachapi llakikuy, waqay, ñak’ariy, onqoy, wañuy, wajchayay, imaymana desgraciakunapas? Manapunin.

Chhaynaqa, ¿imanaqtintaq kay pachapi chhayna kausay kashan? Biblian chaymanta yachachin. ¿Munawaqchu chaymanta yachayta?

Repararankichá kay qelqapi consejokunaqa Bibliaq nisqanman jina kasqanta. Jehová Diospa testigonkunaqa ancha allinpaqmi chay librotaqa qhawariyku. Noqaykupaqqa Bibliapi qelqasqa kaqqa “llapanmi Diospa yuyaychasqan, chaymi [...] allinpuni yachachinapaq, anyanapaq, imatapas allinyachinapaq” ima (2 Timoteo 3:16, 17). Chayraykun kallpachaykiku chay ancha allin librota estudianaykipaq.