Kichay leenaykipaq

Índice nisqaman riy

 7 TAPUY

¿Imatan ruwayman “noqawan puñuy” niwaqtinku?

¿Imatan ruwayman “noqawan puñuy” niwaqtinku?

KAYTAN YACHANAYKI:

Mana casarakuspalla piwanpas puñunki chayqa, anchatan chaymanta pesapakunki.

¿IMATAN RUWAWAQ?

Sandramanta yachasunchis. Payqa iskay killañas Pablowan reqsinakushan, askha watapas reqsinakunkuman jinas paykunaqa sumaqta sonqonkuta tupachinku. Sapa p’unchaysi mensajekunatapas apachinakunku, celularpi parlaspapas manas kacharinakuyta atinkuchu. Jinas Pabloqa Sandrata rimapayan kuska puñunankupaq.

Paykunaqa makinkumanta jap’inakuspañas purinku, mayninpipas ñas much’anakusqakuña. Chaywanpas Sandraqa manas Pablowan puñuytaqa piensanraqchu. Ichaqa anchatataq Pablota munakun chayqa, manas imaynamantapas payta phiñachiyta munanchu. Payllawansi Sandraqa kusisqa kan.

Sichus edadniykipiña kashanki piwanpas reqsinakunaykipaq chayqa, ¿imatan ruwawaq Sandra kaspa?

¡ÑAUPAQTA PIENSAYKUY!

Warmi-qhari puñuyqa casarasqakunaman Diospa regalo qosqanmi. Mana casarakuspa piwanpas puñuqkunaqa mana valeqpaqmi chay regalota qhawarishanku. Papayki munay p’achata regalasunkiman chayri, ¿thanta trapota jinachu chayta utilizawaq?

Alto sach’amanta saltaykuwaq chayri, ¿iman pasanman? Mana allinniykipaqmi kanman ¿riki? Chhaynallataqmi kanman Diospa kamachikuyninta mana kasukuqtiykipas. Jujnin kamachikuyninmi nin: ‘T’aqakunaykichismi qhelli juchamantaqa’, nispa (1 Tesalonicenses 4:3).

¿Iman pasanman chay kamachikuyta p’akiqtiyki? Chaymantan Biblia nin: ‘Qhelli juchata ruwaqqa cuerpon contran juchallikushan’, nispa (1 Corintios 6:18). Chay nisqanqa cheqaqpunin.

 Allin yachaq runakunaq nisqanman jinaqa mana casarakuspalla piwanpas puñuqkunaqa mana allinpis tarikunku chay qhepaman.

  • SINCHITAN PESAPAKUNKU. Askha wayna-sipaskunan sinchita ñakapakunku mana casarakuspalla piwanpas puñusqankumanta.

  • MANAÑAN CONFIANKUCHU. Kuska puñusqanku qhepamanmi iskayninku piensayta qallarinku: “¿Piwanraqchá kayqa kakuran?”, nispa.

  • JUJNIRAYTAN PIENSANKU. Sipaskunaqa paykunata sumaqta cuidaq qharitas munanku, manas munankuchu juj ratollapaq maskhaqnin qharitaqa. Waynakunapas manañas sumaqpaqchu sipaskunata qhawarinku paykunawan puñusqanku qhepamanqa.

  • Chay jinaqa: Allinta qan kikiyta respetakuy, amataq pimanpas cuerpoykita qoychu. (Romanos 1:24). Cuerpoykiqa ancha valorniyoqmi.

Chayrayku ‘t’aqakuypuni qhelli juchamanta’ (1 Tesalonicenses 4:3). Chhaynapin limpio chayanki casado kausayman, chaypiñan qosaykiwan otaq señoraykiwan puñuspa kusirikunki. Chhaynapin librakunki qhelli juchaman urmaq wayna-sipaskunaq llakikuyninmanta (Proverbios 7:22, 23; 1 Corintios 7:3).

 ¿IMA NIWAQTAQ?

  • Pipas cheqaqtapuni munakusunkiman chayqa, ¿ima peligromanpas churasunkimanchu?

  • Pipas cheqaqtapuni munakusunki chayqa, ¿mat’ipayasunkimanchu Diospa mana munasqanta ruwanaykipaq? (Hebreos 13:4.)