Kichay leenaykipaq

Índice nisqaman riy

 51 WILLAKUY

Naamanwan sipaschawan

Naamanwan sipaschawan

Israel llaqtamanta sipaschan Siria nacionpi tiyaran, familianqa karupin tarikuran. Paytaqa Siria ejerciton apapuran jinaspa Naamanpa esposanpa esclavan kapuran. Naamanqa Siria ejercitopin umalli karan. Chay sipaschaqa Jehová Diostan adoraran, chaypi tiyaq runakunan ichaqa mana adorarankuchu.

Naamanqa sinchi millay onqoywanmi onqoran, jinan sipaschaqa payta yanapananpaq esposanta niran: “Qosaykitaqa juj runan qhaliyachinman. Payqa Israel nacionpi Jehová Diospa profetanmi, sutinmi Eliseo”, nispa.

Jinan Naamanpa esposanqa sipaschaq nisqanta willaran. Naamanqa qhaliyaytapunin munaran, chaymi Israel nacionman riran Eliseoq wasinman. Naamanqa nisharanchá: “Importante runata jinachá chaskiwanqa”, nispa. Eliseon ichaqa kamachinta kacharan payman nimunanpaq: “Jordán mayupi qanchis kutita chinkaykuy, jinan qhaliyapunki”, nispa.

 Chay nisqanqa manan gustaranchu, jinan niran: “Noqaqa nisharanin kikin profetachá lloqsimuspa Diosninta wajakunqa, jinaspa makinkunata altoman oqarispa qhaliyachiwanqa. Chay ruwananmantaqa aswanpas chay mayupi bañakunaypaq niwan. Siriapiqa aswan sumaq mayukunan kan”, nispa. Jinan phiñakuspa Eliseoq wasinmanta ripuran.

Naamanpa kamachinkunan ichaqa payta niranku: “Imatapas ruwawaqmi qhaliyanaykipaqqa ¿riki? Manan sasachu chay profetaq nisqanta kasukuyqa”, nispa. Jinan Naamanqa paykunata kasuspa Jordán mayuta riran, jinaspa qanchis kutita unuman chinkaykuran, qanchis kaq kutipitaq qhaliyapuran. Chaymi kusikuymanta Naamanqa profeta Eliseoman kutispa niran: “Kunanqa yachanin Jehová Dios cheqaq Dios kasqanta”, nispa. Jinan Naamanqa wasinman kutipuran. Sipaschaqa anchatachá kusikuran qhaliyasqanta rikuspaqa ¿riki?

“Erqechakunan, wawakunan siminwan jatunchasunki” (Mateo 21:16)