Kichay leenaykipaq

Índice nisqaman riy

 56 WILLAKUY

Josiasqa Diospa simintan munakuran

Josiasqa Diospa simintan munakuran

Josiasqa pusaq watanpi kashaspan Judá nacionta kamachiyta qallariran. Chay tiempopin runakunaqa magiata utilizaqku idolokunatapas adoraqku. Josías 16 watanpi kashaqtinmi allinta Jehová Dios adorayta munaran. 20 watanpi kashaqtintaq idolokunata altarninkunatapas thuniran. 26 watanpitaq Jehová Diospa templonta allichayta qallariran.

Uma sacerdote Hilquiasmi templopi tarirusqa Diospa leyninkunamanta k’uyuta. Yaqapaschá karan Moisespa qelqasqan k’uyu. Jinan Safán secretarioqa alto kunkawan leeran Josías uyarinanpaq jina. Chaymi Josiasqa repararan llaqtaq sinchi juchallikusqanta, jinan Hilquiasta niran: “Diosqa sinchi phiñasqachá noqanchiswan kashan. Jehová Diosta tapuy imatachus ruwananchista”, nispa. Jinan Jehová Diosqa profetisa Huldawan willachiran: “Judá llaqtan saqerpariwan, chaymi castigasaq, ichaqa manan Josiaspa kausasqan tiempopichu k’umuykukuq kasqanrayku”, nispa.

Chayta uyarispan Josiasqa Judá nacionmanta runakunata templopi juñuran, jinaspa llapankuq uyarisqan Diospa kamachikuyninta leeran. Jinan llapallanku Diosman prometekuranku tukuy sonqowan Diosta kasukunankupaq.

Askha watakunañan Judá nacionqa Pascua fiestata mana ruwarankuchu. Diospa kamachikuyninta leespan Josiasqa yacharan  sapa wata ruwana kasqanta. Jinan runakunata kamachiran Pascua fiestata ruwanankupaq askha sacrificiokunata alistanankupaq. Takiqkunatapas juñumuranmi templopi takinankupaq. Chaymi Judá runakunaqa Pascua fiestata mana qonchuyoq t’anta fiestatawan qanchis p’unchay ruwaranku. Samuelpa tiemponpi jinaraqmi chay fiestaqa karan. Josiasqa munakuranmi Diospa kamachikuyninkunata. Qanri, ¿Josías jinachu Diosmanta yachayta munanki?

“Simiykiqa purinaypaq lamparan, simiykiqa ñanniypaq k’anchaymi” (Salmo 119:105)